Łatuška: U Homieli varta pabudavać opierny teatr

ličyć ministr kultury Biełarusi Pavieł Łatuška. Pra heta jon zajaviŭ BiełaPAN 25 vieraśnia padčas adkryćcia VIII Mižnarodnaha fiestyvalu studenckich teatraŭ «Teatralny kufar 2011».

Pavodle słoŭ ministra, dla takoj krainy, jak Biełaruś, «niedastatkova mieć tolki adzin opierny teatr». «Takim centram, dzie mahčyma było b padumać ab adkryćci opiernaha teatra, źjaŭlajecca Homiel — druhi pa kolkaści žycharoŭ horad, i, što cikava, horad ź vialikimi talentami i opiernaj tradycyjaj», — padkreśliŭ Łatuška, dadaŭšy, što ŭ homielskim rehijonie naradziłasia značnaja kolkaść vybitnych muzykantaŭ i śpievakoŭ.

Budaŭnictva opiernaha teatra ŭ Homieli budzie stymulavać raźvićcio «hałoŭnaj opiernaj placoŭki ŭ Minsku»,

Łatuška adznačyŭ, što sistema dziaržaŭnych dramatyčnych teatraŭ zaraz dastatkova raźvitaja, ale «maje statyčny charaktar». «Jość šerah davoli bujnych haradoŭ našaj krainy, u jakich naśpieŭ čas padumać ab adkryćci dramatyčnych teatraŭ — takija razmovy papiaredniaha płana my ŭžo pravodzili z kiraŭnictvam Połacka, Lidy», — paviedamiŭ ministr kultury.

Hetyja kirunki raźvićcia teatralnaha mastactva ŭ Biełarusi — nie kankretnyja rašeńni i prajekty, jany pakul zastajucca tolki idejami, padkreśliŭ Łatuška, ale jany vartyja abmierkavańnia. Ministr kultury vykazaŭ spadziavańnie, što «ekanamičnyja mahčymaści buduć pavialičvacca i źjaviacca dadatkovyja finansavyja mahčymaści, kab paŭstavali novyja teatry».

U biełaruskim teatralnym mastactvie isnujuć kadravyja prablemy. Pierš za ŭsio hetyja prablemy, na dumku ministra, tyčacca padrychtoŭki režysioraŭ. «My bačym davoli značnyja prablemy zapaŭnieńnia vysokaprafiesijnymi režysiorami pasad u dramatyčnych teatrach, naprykład u Nacyjanalnym akademičnym teatry imia Jakuba Kołasa ŭ Viciebsku», — patłumačyŭ jon.

Ź inšaha boku, jak skazaŭ Łatuška, u Biełarusi dastatkova vysoki ŭzrovień akciorskaha majsterstva. Biełaruskija akciory zapatrabavanyja nie tolki ŭ teatrach, ale i ŭ kino — «nie tolki ŭ biełaruskim kiniematohrafie, ale i za miažoj, pieradusim u rasijskim kino».

Minkultury ŭžo nakiravała da prezidenta prajekt novaha ŭkaza, jaki «źmienić pryncypy finansavaj dziaržaŭnaj padtrymki biełaruskaj kinavytvorčaści». «Na dziaržaŭnuju padtrymku z respublikanskaha biudžetu buduć mieć prava pretendavać nie tolki dziaržaŭnyja kinaarhanizacyi, ale i pryvatnyja», — padkreśliŭ Łatuška, dadaŭšy, što heta prastymuluje ajčynnuju kinavytvorčaść i pryciahnie zamiežnych inviestaraŭ da stvareńnia sumiesnych kinaprajektaŭ.

• 0
• 0
• 0
• 0
• 0
• 0
• 0
• 0