tak prakamientavaŭpres-sakratar Ministerstva zamiežnych spraŭ Biełarusi Andrej Savinych rašeńnie Rady ministraŭ zamiežnych spraŭ krain Jeŭrasajuza ab pašyreńni sankcyj u dačynieńni da Biełarusi.
«Samo pa sabie hetaje rašeńnie nie maje nijakaha značeńnia, — śćviardžaje Savinych. — ES užo nieadnarazova na praciahu hetaha hoda skarystoŭvaŭ nacisk na Biełaruś. Pry hetym usim dobra viadoma, što miery prymusu dajuć supraćlehły vynik, umacoŭvajuć niedavier i abciažarvajuć pošuk efiektyŭnych rašeńniaŭ, jakija mahli b sadziejničać urehulavańniu najaŭnych roznahałośsiaŭ. U realnaj palitycy adzin „zboj“ možna ličyć vypadkovaściu, dva — supadzieńniem, ale try i bolš — heta ŭžo vidavočny dokaz pamyłkovaści dziejańniaŭ».
«Ale krainy Zachadu znoŭ i znoŭ nastupajuć na tyja ž hrabli. Heta dazvalaje ŭpeŭniena zrabić niekalki vysnoŭ. Jeŭrapiejskija palityki, jakija pracujuć na biełaruskim napramku, nie mohuć abo nie chočuć sfarmulavać prapanovy, jakija zadavolili b ES i pry hetym uličvali b prava Biełarusi na suvierennaje i samastojnaje raźvićcio», — zaznačyŭ Savinych.
Pry ŭsich hučnych zajavach jeŭrapiejskija palityčnyja koły «demanstrujuć nizki ŭzrovień zacikaŭlenaści ŭ pošuku rašeńniaŭ, bo razumiejuć nadumanaść pretenzij, što imi vystaŭlajucca», dadaŭ jon.
«Biełaruski bok zychodzić z taho, što rana ci pozna Jeŭrasajuzu daviadziecca razarvać hetaje zahannaje koła i viarnucca da narmalnaha dyjałohu. My raźličvajem, što našym jeŭrapiejskim kaleham chopić na heta mudraści», — skazaŭ
Jak raniej paviedamlałasia, 10 kastryčnika na pasiadžeńni ŭ Luksiemburhu ministry zamiežnych spraŭ ES vyrašyli ŭnieści ŭ śpis nieŭjaznych u Jeŭrasajuz biełaruskich čynoŭnikaŭ jašče 16 proźviščaŭ. «Situacyja ŭ Biełarusi abmiarkoŭvałasia dastatkova doŭha, i ministry zamiežnych spraŭ znoŭ zaklikali biełaruskija ŭłady vyzvalić i reabilitavać usich palityčnych źniavolenych», — paviedamiła BiełaPAN Maja Kačyjančyč,
Abmiežavalnyja miery tyčacca tych, chto, na dumku ministraŭ zamiežnych spraŭ krain Jeŭrasajuza, adkazny za «praciah represij u dačynieńni da hramadzianskaj supolnaści, palityčnaj apazicyi i niezaležnych ŚMI ŭ Biełarusi», adznačajecca ŭ kamiunikie Savieta ES.
Čakajecca, što rašeńnie savieta i imiony 16 biełaruskich čynoŭnikaŭ, jakija papoŭnili śpis nieŭjaznych u ES, buduć apublikavany 11 kastryčnika ŭ aficyjnym časopisie Jeŭrasajuza.
Sankcyi ŭ dačynieńni da biełaruskich uładaŭ Saviet ES uvioŭ u studzieni 2011 hoda ŭ adkaz na žorstki razhon demanstracyi paśla prezidenckich vybaraŭ 19 śniežnia 2010 hoda ŭ Minsku. Ciapier u śpisie čynoŭnikaŭ, jakim zabaronieny ŭjezd na terytoryju ES, 192 proźviščy.
21 vieraśnia litoŭskaje MZS inicyjavała ŭklučeńnie jašče 18 biełaruskich čynoŭnikaŭ u śpis asob, jakim zabaronieny ŭjezd u Litvu, i zaklikała inšyja krainy Jeŭrasajuza ŭklučyć ich u svaje nacyjanalnyja śpisy nieŭjaznych.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary