U Paŭdniovaj Asiecii ŭ niadzielu prachodziać prezidenckija vybary. Adnačasova ŭ respublicy, jakuju bolšaść krain śvietu ličyć terytoryjaj Hruzii, prachodzić refierendum ab nadańni rasijskaj movie statusu dziaržaŭnaj.
Vybary prachodziać u suviazi z zakančeńniem druhoha terminu paŭnamoctvaŭ dziejučaha prezidenta samaabvieščanaj respubliki Eduarda Kakojty.
Sam jon u vybarach nie ŭdzielničaje.
Za pasadu kiraŭnika Paŭdniovaj Asiecii zmahajucca 11 kandydataŭ.
Ab liku vybarščykaŭ možna mierkavać pa kolkaści biuleteniaŭ: nadrukavana 34 tys. kopij,a staršynia miascovaha vybarkama Beła Plijeva vyklučyła vierahodnaść taho, što biuleteniaŭ moža nie chapić na ŭsich, a niavykarystanyja paabiacała źniščyć.
U Tbilisi ŭžo zajavili, što «hetak zvanyja prezidenckija vybary nijakaha značeńnia dla Hruzii nie majuć».
«Hetyja vybary nijakaj nahruzki nie majuć, tak jak mižnarodnaja supolnaść nie pryznaje ni sami vybary, ni ich vyniki. Adpaviedna, nie majuć jany značeńnia i dla Hruzii», — zajaviła namieśnik ministra zamiežnych spraŭ Hruzii Nina Kałandadze.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary