Supiernik Baraka Abamy na prezidenckich vybarach ZŠA ŭ 2008 hodzie, sienatar Džon Makiejn daŭ zrazumieć,što paśla zajavy prezidenta Rasii Dźmitryja Miadźviedzieva ab hatoŭnaści vyjści z damovy SNU ličyć niadaŭnija zajavy amierykanskaha Biełaha doma ab pośpiechu «pierazahruzki» adnosinaŭ z Maskvoj niepierakanaŭčymi.
«Hatovyja da novaj pierazahruzki?» — iranična pytajecca Makiejn, pryvodziačy spasyłku na adpaviedny artykuł haziety The Washington Post ab pahrozach rasijskaha kiraŭnictva.
Raniej u sieradu prezident Rasii abviaściŭ pra zachady, zroblenyja im u adkaz na razhortvańnie ZŠA sistemy SRA ŭ Jeŭropie.
«Pa maim daručeńni Minabarony Rasii ŭviadzie ŭ bajavy skład radyjołakacyjnuju stancyju sistemy papiaredžańnia ab rakietnym napadzie ŭ horadzie Kalininhradzie… U ramkach sistemy
«Pry niespryjalnym raźvićci situacyi Rasija pakidaje za saboj prava admovicca ad dalejšych krokaŭ u halinie razzbrajeńnia i, adpaviedna, kantrolu nad uzbrajeńniami», — zajaviŭ Miadźviedzieŭ.
«Akramia taho, uličvajučy nieparyŭnuju ŭzajemasuviaź pamiž stratehičnymi nastupalnymi i abarončymi ŭzbrajeńniami, mohuć uźniknuć padstavy dla vychadu našaj krainy z damovy ab SNU. Heta praduhledžana samim sensam damovy», — dadaŭ jon.
U sieradu ŭ Pientahonie zajavili, što ZŠA nie źmieniać płany pa SRA, niahledziačy na abiacańnie Miadźviedzieva raspačać zachady ŭ adkaz, a hienieralny sakratar NATO adznačyŭ, što zajava prezidenta Rasii jaho rasčaravała.
Ciapier čytajuć
Andrej Švied, architektar represij, pryznačany staršynioj Viarchoŭnaha suda20
Kamientary