U Minsku žycharam viernuć hrošy za pamyłkovaje naličeńnie zvyšnarmatyŭnaj vady
Žyllovyja słužby Minska zrobiać pieraraźlik za kastryčnik u vypadku pamyłkovaha naličeńnia płaty za zvyšnarmatyŭnuju vadu žycharam, jakija zPra heta paviedamiŭ hienieralny dyrektar DVA «Minskaja haradskaja žyllovaja haspadarka» Uładzimir Rajantovič na apieratyŭnaj naradzie ŭ meryi.jakich-niebudź pryčynaŭ nie dali im dadzienych ličylnikaŭ vady.
U Biełarusi zhodna z pastanovaj Savieta Ministraŭ ad 28 vieraśnia 2011 № 1300 z 1 kastryčnika ŭviedzienaja dyfierencyjavanaja apłata pasłuh vodazabiaśpiečańnia i vodaadviadzieńnia. Zhodna z hetym dakumientam płata z hramadzian, jakija pražyvajuć u žyłych damach (kvaterach), abstalavanych pryborami indyvidualnaha ŭliku raschodu vady, spahaniajecca pa taryfach, ustanoŭlenych zakanadaŭstvam respubliki, u miežach abjomaŭ vodaspažyvańnia na adnaho žychara 140 ł u sutki (Br890 za 1 kub.m u Minsku). Apłata za spažytyja zvyš 140 ł u sutki spahaniajecca pa taryfach, što zabiaśpiečvajuć poŭnuju kampiensacyju ekanamična abhruntavanych zatrat na akazańnie pasłuh (Br2545 za 1 kub.m).
Pavodle dadzienych Uładzimira Rajantoviča, minčanie ŭ kastryčniku spažyli vady ŭ abjomie 6,6 tys. kub.m, ź jakich 1360 kub.m — bolš za normu. U vyniku kala 10% nasielnictva maje zapłacić za zvyšnarmatyŭnuju vadu pa novych taryfach. «Heta vyklikała peŭnaje niezadavalnieńnie ludziej. Z 10 listapada ŭ žyllovyja słužby horada pastupiła 8,8 tys. piśmovych i vusnych zvarotaŭ ludziej, nie zhodnych z dadzienym paradkam apłaty», — kanstatavaŭ hiendyrektar, zaŭvažyŭšy, što napiaredadni ŭviadzieńnia novaha paradku apłaty vady pravodziłasia infarmavańnie nasielnictva ŭ srodkach masavaj infarmacyi,
«Kali ludzi nie dali infarmacyi ab pakazańniach ličylnikaŭ spažyvańnia vady za kastryčnik, naličeńni robiacca zychodziačy z dadzienych dvuch papiarednich miesiacaŭ, a jany mohuć być bolšyja za ŭstalavanuju normu», — rastłumačyŭ Uładzimir Rajantovič.
Ciapier žyllovym słužbam stalicy daručana pa ŭsich zvarotach pravodzić źvierku vady i ŭ vypadku paćvierdžańnia faktu pierapłaty ŭ kastryčniku rabić pieraraźlik, dadaŭ hienieralny dyrektar DVA «Minskaja haradskaja žyllovaja haspadarka».
Ciapier čytajuć
Andrej Švied, architektar represij, pryznačany staršynioj Viarchoŭnaha suda14
Kamientary