Daktary kuryli prosta ŭ pryjomnym adździaleńni, a «kalidory byli poŭnyja pacyjentaŭ, padobnych da achviaraŭ hramadzianskaj vajny».
Amierykanski bajec źmiešanych stylaŭ Džef Monsan, jaki 20 listapada atrymaŭ traŭmu ŭ Maskvie, padčas boju z rasijskim supiernikam Fiodaram Jemialjanienkam, byŭ u šoku ad rasijskaj balnicy.
Paśla adnaho z prapuščanych udaraŭ u druhim raŭndzie jon atrymaŭ pierałom nahi. Pa zakančeńni boju, pa słovach D. Monsana,
jamu prapanavali na vybar dźvie balnicy. «Adna ź ich była dla zvyčajnych hramadzian, inšaja — dla zamiežnikaŭ i dziaržaŭnych čynoŭnikaŭ.Ja vybraŭ zvyčajnuju, bo, jak mnie skazali, jana była bližej da areny».
Pavodle słovaŭ D. Monsana, u klinicy, kudy jaho pryvieźli,
daktary kuryli prosta ŭ pryjomnym adździaleńni, a «kalidory byli poŭnyja pacyjentaŭ, padobnych da achviaraŭ hramadzianskaj vajny».
«Mnie
daviałosia spračacca z adnym ź lekaraŭ, kab mnie nie rabili renthien čerapa. U vyniku mnie zrabili renthien nahi, jaki pakazaŭ, što jana złamanaja, i nakłali hips. Mnie taksama nakłali 16 švoŭ na vusny.
Nitki byli padobnyja na drot.
«Zrešty, — adznačyŭ bajec, — daktary byli vielmi vietlivyja. I choć abstalavańnie nie adpaviadała vysokim patrabavańniam, jany viedali svaju pracu».
Epizod ź śvistam padčas źjaŭleńnia na rynhu Uładzimira Pucina baksior paabiacaŭ prakamientavać nastupnym razam.
«Biełaruś ciabie lubić». Repartaž z raźvitańnia ź Mikitam Miełkazioravym8
Kamientary