Pra Jeŭrazijski sajuz piša Uładzimir Iskryk.
Nikoli nie pisaŭ fieljetonaŭ. I ciapier nie padbiaru žanru, kab vykazać zachapleńnie i zamiłavańnie školnymi sačynieńniami kiroŭnych dvoječnikaŭ savieckich ŚMI i ŭładnych ahitprapaŭcaŭ.
Akurat išła ŭ mianie sprečka sa starym partyzanam nakont «pakutaŭ u hiestapa». Kažu jamu: u Biełarusi nie mahło być nivodnaha hiestapaŭca, bo ź pieršaha dnia akupacyi hiestapa akurat było likvidavana. Tut dziejničali SD, słužby Viermachta. Niuans? Nie dla historyka.
Słuchajem pa savieckim BT pra nievierahodnyja vyhody intehracyi — ekanamičnaj — z Rasijaj. Ale ž akademik Maisiejeŭ dakazaŭ, što rasijskaja ekanomika niekankurentazdolnaja ŭ suśvietnym padziele pracy: aciapleńnie budynkaŭ, rabotnikaŭ, charčavańnie, adlehłaści i h.d. Tut zaŭsiody ŭdaražajuć tavar paraŭnalna z papuasami ci navat tubylcami ŭ Minsku…
U ŚMI Biełarusi — kaniec śvietu: Jeŭrazijski Sajuz! Pytajusia ŭ prafiesarapartyzana: heta jany pra što, pra daŭniejšuju knihu Nazar¬baja «Jeŭrazijski Sajuz»? Nie, kaža, pra Pucina — aŭtara idei. Jakoj idei? Nazarbajeŭskaj?
Ale razmova nabyvaje zabaronieny źmiest. Łukašenka ŭchvalaje Pucina jak aŭtara, a jašče bolš i samu ideju «ad Lisabona da Uładzivastoka». Piarečyć — abražać — kryminał.
A, moža, Zachad usio, što adbyvajecca, razumieje? Tady dazvolcie nazvać krynicy siońniašniaj stratehii Pucina.
«Vialikaje abjadnańnie Zachodniaj Jeŭropy, lidara technałohij i vysokaj industryi, ź Sibirju, dzie amal nievyčerpnyja resursy, dazvoliła b stvaryć supiermahutnuju respublikanskuju impieryju, ź jakoj nichto nie paśmieŭ by paspračacca abo pamieracca siłaju», — heta cytata z «Azbuki hieapalityki».
Meta hetaj «Jeŭropy ad Dublina da Uładzivastoka» — skryšyć anhłasaksonskuju moc i pieramahčy ZŠA. Aŭtar idei — saviecki raźviedčyk, bielhijski fašyst, siabra ŭlubionaha Hitleram nacysta Ota Skarceni — Žan Tyryjar.
Nie ŭpeŭnieny, što novaja administracyja ŭ Vašynhtonie budzie padtrymlivać idei: «Uźjadnańnie Savieckaha Sajuza mahčymaje tolki ŭ pracesie jeŭrapiejskaj intehracyi. My pavinny stvaryć adzinuju jeŭrapiejskuju impieryju» i «mistyčna abumoŭlenuju» kancepcyju «treciaj suśvietnaj vajny SSSR suprać ZŠA», jakaja abapirajecca «na pieramohu ŭ tonkim śviecie».
Čamu ŭ aŭtarskuju kancepcyju Waffen SS unosiacca ŭdakładnieńni? Kreml ža pastaviŭ zadaču, jak niekali KPSS, dahnać i pierahnać, na hety raz samuju adstałuju ŭ Jeŭropie, Partuhaliju! Za 50 hadoŭ. Nu, a Minsk — Maskvu, dzie dla padtrymki rubla za tydzień stracili hadavy(!) stabilizacyjny fond.
Kamuści nie siadzicca doma? Usio chočuć abo dahaniać samych niamohłych, abo abjadnoŭvacca z samymi hultajami… Im Westen nichts Neujes, pisaŭ Remark — na Zachadzie ničoha novaha. Real ža Politik. Vafien SS, bielhijski fašyst, savieckija simpatyki, biełaruskija durni — usio heta da miesca, kab kraści miljardy, nie važna, čyje: SSSR, Biełarusi, vajskovaha biudžetu, ahraharadkoŭ, AES, zołata partbosaŭ.
Niejkaja viektarnaść u nas… ci to kapeesesaŭskaja, ci to prosta kapo¬ i esesaŭskaja?
Ale ž — kłasika: žyŭ biełarus i budzie žyć. Pieražyli partyzanku, pieražyviom i sajuzy, savieckija i azijackija, i tych, chto nas usio niejkimi vuzłami źviazvaje.
Uładzimir Iskryk naradziŭsia na Słonimščynie. Piśmieńnik, raniej jon pracavaŭ u strukturach Administracyi prezidenta.
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary