U Mahilovie zatrymany ŭdzielnik akcyi «Stop-bienzin»; jon byŭ adzinym udzielnikam
Udzielnik akcyi«Stop-bienzin» byŭ zatrymany viečaram 5 śniežnia ŭ centry Mahilova. Jon abvinavačany ŭ parušeńni Praviłaŭ darožnaha ruchu.
Alaksiej, jaki nie pažadaŭ nazvać svajo proźvišča, paviedamiŭ BiełaPAN, što jaho zatrymali na bulvary Lenina. Jon byŭ za rulom svajoj mašyny i razam ź niezaležnym žurnalistam Alesiem Asipcovym ruchaŭsia pa vulicy Pieršamajskaj, zatym paviarnuŭ na vulicu Mironava, a potym na bulvar Lenina. «Na Pieršamajskaj za mnoj jechali supracoŭniki DAI. Kali ja paviarnuŭ na Mironava, tudy pajechała i patrulnaja mašyna», — skazaŭ udzielnik akcyi. Inśpiektar DAI, jaki spyniŭ Alaksieja, abvinavaciŭ jaho ŭ tym, što nie projdzieny techahlad, i vypisaŭ kvitancyju na štraf u 0,5 bazavaj vieličyni (17,5 tys. rubloŭ).
«Dadatkova byli składzienyja dva pratakoły ab parušeńni PDR. Pieršy — za pabočnyja pradmiety na škle. Heta byli ŭlotki „Za aŭto“ z ukazańniem sajta kampanii. I jašče adzin pratakoł byŭ składzieny za pierajnačvańnie numarnoha znaka. Mahčyma, tam byŭ brud», — skazaŭ vadziciel.
Jon adznačyŭ, što mnohija supracoŭniki DAI na vulicy Pieršamajskaj i praśpiekcie Mira nie dazvalali vadzicielam spyniać aŭtamabili. «Šmat mašyn spyniałasia, ale vadzicielam kryčali ruchacca dalej», — paviedamiŭ Alaksiej.
Vadziciel śćviardžaje, što źjaŭlajecca adnym sa šmatlikich udzielnikaŭ akcyi
Kamientary