U Homieli «žabraki, jakija źbirajuć miłaścinu kala sabora, pieraškadžajuć malicca».
Žycharka Homiela, člen Biełaruskaj partyi levych «Spraviadlivy śviet» i Biełaruskaha Chielsinkskaha kamiteta Maryja Bahdanovič atrymała adkaz ź Minskaj jeparchii Biełaruskaj pravasłaŭnaj carkvy na svoj zvarot, padstavaj dla jakoha pasłužyŭ kanflikt pamiž žabrakami, jakija prosiać miłaścinu kala homielskaha Pietrapaŭłaŭskaha sabora, i ŭładami.
«Milicyja zabaraniła žabrakam stajać kala pravasłaŭnaha sabora i prasić miłaścinu. Ja źviarnułasia ŭ Centralny RAUS, i mnie patłumačyli, što jany pjuć i chulihaniać, tamu ich prahaniajuć. Ale ja viedaju ludziej, jakija vymušany i nie
U milicyi aktyvistcy adkazali, što žabrakoŭ adhaniajuć ad chrama pa prośbie śviataroŭ, a žabraki traciać atrymanyja hrošy na ałkahol, i ich źniešni vyhlad i pavodziny vyklikajuć niehatyŭnuju reakcyju.
Tady Bahdanovič źviarnułasia pa tłumačeńni ŭ Homielskuju jeparchiju.Archijepiskap Homielski i Žłobinski Arystarch adkazaŭ aktyvistcy, što «žabraki, jakija źbirajuć miłaścinu kala sabora, časta čaplajucca da prychadžan, pieraškadžajuć im malicca». «Nie raz hetyja hramadzianie ŭčyniali kradziažy ŭ sabory i ŭ prychadžan. Chryścijanam nieabchodna tvaryć miłaścinu, akazvać dapamohu majučym patrebu i małamajomym, ale nie spryjać hrachu, daŭšy hrošy ludziam, jakija vykarystoŭvajuć ich dla nabyćcia ałkaholu», — havorycca ŭ adkazie jeparchii.
Aktyvistka nie zadavoliłasia takim adkazam i źviarnułasia ŭ Biełaruski ekzarchat. Sakratar Minskaha jeparchijalnaha ŭpraŭleńnia Mikałaj Koržyč adkazaŭ Bahdanovič, što carkva zaŭsiody dapamahała biednym, ale, «na žal, viadomyja vypadki, kali niadobrasumlennyja ludzi pad vyhladam žabrakoŭ ašukvajuć ludziej». Carkva «zaklikana vieści ludziej da Boha, miłasernaści, lubovi i spačuvańnia. Adnak jana nie pavinna paturać chłuśni i zahanam čałavieka. U apisanym Vami vypadku mieli miesca kradziažy, jakija vymusili duchavienstva źviarnucca ŭ pravaachoŭnyja orhany dla dapamohi ŭ vyrašeńni hetaj prablemy».
«Adkaz z ekzarchatu ja b nazvała dypłamatyčnym— adčuvajecca žadańnie duchavienstva pahasić hety kanflikt, ale, na žal, nie dajecca adkaz na hałoŭnaje pytańnie, jakim ja zadavałasia: što rabić ź jevanhielskim vykazvańniem „tamu, chto prosić, daj“. Bo ŭ Jevanhielli nie skazana, što davać miłaścinu treba tolki tym, chto nie pje, abo tolki tym, chto stary. Prablema prasicielej miłaściny — heta nie tolki ich prablema, ale i ŭsiaho hramadstva. Tamu što ŭ hramadzian jość prava dać miłaścinu, abo nie dać, i słužbovaja asoba, jakaja addaje zahad vyhaniać žabrakoŭ, parušaje i našy hramadzianskija pravy», — ličyć Bahdanovič.
Jana taksama atrymała adkaz z prakuratury Centralnaha rajona Homiela, u jakim havorycca, što zakonam nie praduhledžana adkaznaść za prašeńnie miłaściny, «kali pry hetym nie parušajecca hramadski paradak». Hety adkaz z prakuratury Bahdanovič maje namier raspaŭsiudzić siarod žabrakoŭ, kab jany viedali svaje pravy i abaviazki.
Kamientary