Babrujskaja pravasłaŭnaja jeparchija prapanuje kananizavać śviatara Paŭła Sieŭbu
Adździeł pa kananizacyi śviatych Babrujskaj jeparchii nakiravaŭ u kamisiju pa kananizacyi Biełaruskaj pravasłaŭnaj carkvy dakumienty represavanaha ŭ 1938 hodzie śviatara Paŭła Sieŭby.
Jak paviedamiŭkiraŭnik jeparchijalnaha adździeła pa kananizacyi śviatych śviatar Dźmitryj Piervij, na žyćciovym šlachu ajca Paŭła, jaki ŭdałosia prasačyć, bo jašče žyvyja śviedki, jość niesumnienny momant achviaravańnia ŭsim dziela Chrysta.
«Kali jon išoŭ chryścić niemaŭla, jon razumieŭ, što idzie na śmierć, ale jon— skazaŭ ajciec Dźmitryj.usio-taki vykanaŭ da kanca svoj śviatarski abaviazak. Heta apošni jaho ŭčynak, apošni jaho podźvih»,
Pavodle jaho słoŭ, materyjał dla kananizacyi ajca Paŭła źbiraŭsia z 2007 hoda. «My vielmi ŭvažliva i staranna daśledavali kožny fakt, tamu što razumiejem usiu adkaznaść. My hetyja piać hadoŭ źbirali radok da radka i zaraz možam upeŭniena skazać, što ničoha niama, što hańbiła, ničoha niama maŭlenčaha, čaho jon nie varty być prasłaŭleny», — zajaviŭ śviatar.
Jon zaznačyŭ, što bližejšaje pasiadžeńnie kamisii pa kananizacyi pryznačana na sakavik. «Dumaju, da hetaha terminu ŭžo budzie niejkaja jasnaść. Papiaredniaje mierkavańnie, što rašeńnie budzie pryniata na karyść ajca Paŭła. Dobry sabrany zvod dakumientaŭ», — miarkuje Dźmitryj Piervij.
Śviatar Pavieł Sieŭba staŭ pieršym, kaho prapanoŭvaje kananizavać Babrujskaja jeparchija. Pavodle śćviardžeńnia ajca Dźmitryja, u jeparchii razhladajuć i praviarajuć materyjały na kananizacyju jašče čatyroch piersanalij.
***
Pavieł Mikałajevič Sieŭba naradziŭsia ŭ vioscy Ciałuša Babrujskaha pavieta ŭ 1883 hodzie. Skončyŭ duchoŭnuju sieminaryju. Słužyŭ u Mahiloŭskaj jeparchii. Aryštavany 10 śniežnia 1937 hoda ŭ vioscy Charošaje Babrujskaha rajona. Za «antysavieckuju dziejnaść» i «ŭdzieł u kontrrevalucyjnaj kułackaj arhanizacyi» razam ź inšymi aktyŭnymi prychadžanami asudžany 16 lutaha 1938 hoda trojkaj NKUS da rasstrełu z kanfiskacyjaj majomaści. Reabilitavany 23 krasavika 1960 hoda Mahiloŭskim abłsudom. Hrupavaja sprava №
Kamientary