U siecivie źjaviŭsia vielmi cikavy dakumient Pientahona, jaki pryznačany tolki dla ŭnutranaha karystańnia ŭ amierykanskim uradzie i źmiaščaje infarmacyju ab raspracoŭkach tak zvanaj nieletalnaj zbroi — toj, što nie zabivaje vorahaŭ, ale zdolnaja faktyčna imi kiravać.
Uciečku apublikavaŭ sajt Public Intelligence, jaki i raniej rassakrečvaŭ niekatoryja dakumienty ŭrada ZŠA što da pytańniaŭ nacyjanalnaj biaśpieki.
«Daviednik zbroi nieśmiarotnaha dziejańnia» źmiaščaje bolš za sotniu staronak, dzie padrabiazna apisvajucca roznyja vidy, uklučajučy łaziery, ciepłavyja pramiani i hukavyja chvali, jakija možna vykarystoŭvać dla samych roznych met — ad razhonu natoŭpu da dezaryjentacyi varožaj techniki.
U dakumiencie adlustravanyja jak prapanovy pa ŭdaskanaleńni ŭžo isnych vidaŭ, tak i zusim novyja technałohii, pra jakija da hetaha času pisali tolki navukovyja fantasty.
Pa słovach ekśpiertaŭ, na jakich spasyłajecca BBC, śpis ujaŭlaje saboj «kamiercyjnuju metu» amierykanskich vajskoŭcaŭ, jakaja zapatrabuje praciahłaha finansavańnia. Pry hetym jaho raspracoŭnikam źjaŭlajecca Abjadnanaje ŭpraŭleńnie pa nieśmiarotnaj zbroi Pientahona, jakoje padviarhałasia krytycy ŭ minułym za marnavańnie hrošaj na tak nikoli i nie ažyćcioŭlenyja prajekty. Niahledziačy na toje, što Upraŭleńnie pakul nie dakazała svaju efiektyŭnaść, amierykanskija vajskoŭcy adčuvajuć usio bolš vostruju patrebu mienavita ŭ nieśmiarotnaj zbroi.
U pryvatnaści, u Iraku adnoj z samych vialikich prablem było toje, što sałdatam ZŠA davodziłasia ŭžyvać ahniastrelnuju zbroju kožny raz, kali irakcy, pryčym daloka nie zaŭsiody bajeviki, imknulisia nie spyniajučysia prajechać na aŭtamabilach
U daviedniku apisanyja jak charaktarystyki kožnaha vidu nieśmiarotnaj zbroi i jaje stratehičnaje značeńnie, tak i mahčymaja škoda ad jaje dziejańnia. Tak, najbolš typovyja nastupstvy dla čałavieka, jaki trapiŭ u zonu dziejańnia, uklučajuć časovuju ślepatu, hłuchatu i stratu ruchu.
Voś adzin z prykładaŭ: padvodnaja impulsnaja harmata, nakiravanaja suprać varožych akvałanhistaŭ. Hukavaja chvala ad jaje ŭździejničaje na słych vadałaza, imhnienna vyklikajučy ŭ jaho najmacniejšuju młosnaść i całkam jaho dezaryjentujučy.
«Pabočny efiekt» takoj harmaty, jakaja, miarkujučy pa dakumiencie, znachodzicca ŭ stadyi raspracoŭki, — mahčymaje niehatyŭnaje ŭździejańnie na padvodnuju fłoru i faŭnu.
Voś jašče niekatoryja apisanyja ŭ dakumiencie raspracoŭki:
— sistema, u zonie dziejańnia jakoj u ludziej źjaŭlajecca adčuvańnie nievynosnaj śpioki, za košt čaho jany mižvolna pieramiaščajucca ŭ inšyja miescy;
— uździejańnie na muskulnuju sistemu čałavieka elektryčnymi impulsami;
— partatyŭnaja sistema, što vypuskaje mahutnyja mikrachvali, zdolnyja na adlehłaści spynić aŭtamabili i inšuju techniku;
— bieśpiłotnik, abstalavany mikrachvalevaj pryładaj, zdolnaj vyklikać zboi ŭ elektryčnaj sistemie marskich sudoŭ.
U Pientahonie nie paćviardžajuć, ale i nie admaŭlajuć sapraŭdnaść dakumienta.
Zrešty, u Pientahonie łaziery vykarystoŭvajuć nie tolki dla nieśmiarotnaj zbroi: jany ŭžo pakazali, što całkam zdolnyja źniščać mety. Ekśpierymienty pa bajavym vykarystańni łazieraŭ viaducca amierykancami z
Što da niebajavoha vykarystańnia łazieraŭ i mikrachvalaŭ, to «mikrachvalevyja harmaty» jašče ŭ 2010 hodzie pačali vypraboŭvać na źniavolenych u turmach — jak srodak padaŭleńnia buntaŭ.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary