Alaksandr Łukašenka 17 studzienia padpisaŭ adpaviedny ŭkaz.
Alaksandr Łukašenka 17 studzienia padpisaŭ ukaz № 38 «Ab funkcyjanavańni mahazinaŭ biaspošlinnaha handlu».
Jak paviedamlaje
Takija tavary realizujucca taksama ŭ punktach propusku praź dziaržaŭnuju miažu, što znachodziacca ŭ aeraportach krainy. Ciapier taki punkt propusku znachodzicca ŭ Nacyjanalnym aeraporcie Minsk.
Jurydyčnyja asoby majuć prava ažyćciaŭlać dziejnaść u jakaści ŭładalnikaŭ mahazinaŭ biaspošlinnaha handlu paśla ŭklučeńnia ich u adpaviedny rejestr, viadzieńnie jakoha ŭskładajecca na Dziaržaŭny mytny kamitet.
U metach pavyšeńnia zacikaŭlenaści ajčynnych vytvorcaŭ u naroščvańni pastavak tavaraŭ ułasnaj vytvorčaści ŭ mahaziny biaspošlinnaha handlu va ŭkazie praduhledžana vyzvaleńnie abarotaŭ pa realizacyi hetych tavaraŭ ad vypłaty PDV.
Dadatkovym patrabavańniem źjaŭlajecca ŭstanaŭleńnie dla jurydyčnych asob, jakija ažyćciaŭlajuć hetu dziejnaść, vypłaty ŭ respublikanski biudžet adličeńniaŭ ad vyručki ŭ pamiery 10%.
U pałažeńni ab mahazinach biaspošlinnaha handlu, što zaćviardžajecca ŭkazam, padrabiazna prapisany patrabavańni da hetych mahazinaŭ pa ich techničnaj asnaščanaści(uklučajučy sistemy videanazirańnia za pieramiaščeńniem unutry pamiaškańniaŭ i na prylehłych terytoryjach), što zabiaśpiečvaje žorstki kantrol za vodpuskam tavaraŭ tolki tym, chto vyjazdžaje z krainy, a taksama niemahčymaść viartańnia tavaru na ŭnutrany rynak respubliki, inšyja patrabavańni.
Akramia taho, vyznačajecca, što ŭ mahazinach, raźmieščanych u punktach propusku praź dziaržmiažu, u jakich ciapier ažyćciaŭlajecca roźničny handal, jurydyčnyja asoby majuć prava praciahvać hety vid dziejnaści pry ŭmovie najaŭnaści dazvołaŭ na jaho ažyćciaŭleńnie, atrymanych va ŭstanoŭlenym zakanadaŭstvam paradku.
«Pryniaćcie ŭkaza zaklikana zabiaśpiečyć pavyšeńnie efiektyŭnaści pracy mahazinaŭ biaspošlinnaha handlu», — havorycca ŭ paviedamleńni
Kamientary