Na trasie ŭ Lepielskim rajonie budujuć tunel dla łasioŭ. Treba tolki pierakanać žyvioł im karystacca
Takija tuneli dla žyvioł u Biełarusi ŭładkoŭvajuć užo dziesiać hadoŭ.
Druhi hod idzie rekanstrukcyja aŭtatrasy R46, jakaja złučaje Lepiel i Połack. Da vosieni hetaha hoda płanujecca zaviaršyć rekanstrukcyju jašče 30 km darohi — da Lepiela. Tut budujuć padziemny pierachod dla kapytnych žyvioł, piša Blizko.by
Jak adznačaje śpiecyjalist Mikałaj Sadoŭnikaŭ, pry budaŭnictvie buduć užytyja i novaŭviadzieńni.
— Na 30‑kiłamietrovym učastku, jakim my ciapier zajmajemsia, upieršyniu buduć uźviedzienyja masty ź pierachodami pad imi dla parnakapytnych žyvioł. Na praciahu 38 km u miescach, dzie daroha pierasiakaje les, nieabchodna ŭstanavić aharodžy-sietki, kab łasi, kazuli i aleni nie vybiahali raptoŭna na prajeznuju častku. Kali žychary lesu natrapiać na takoje aharodžańnie, jany buduć iści ŭzdoŭž jaho da taho samaha pierachodu. Heta svojeasablivy most, jaki ŭzvodzicca nad ziamloj, a pad im budzie prastorny tunel, dzie parnakapytnyja zmohuć biaśpiečna prajści pad aŭtadarohaj. Takoje zbudavańnie choć i zatratnaje, ale, pa-pieršaje, vielmi zručnaje dla žyvioł, a pa-druhoje, biaśpiečnaje dla kiroŭcaŭ.
Mikałaj Sadoŭnikaŭ kaža, što jano zručnaje dla žyvioł. Ale nasamreč, jak pakazała praktyka, parnakapytnyja takimi padziemnymi pierachodami nie karystajucca.
Takija tuneli dla žyvioł u Biełarusi ŭładkoŭvajuć užo dziesiać hadoŭ. Naprykład, u 2017 hodzie taki pierachod pabudavali na trasie M6 Minsk — Hrodna. Miesca mihracyi žyvioł vyznačyli vučonyja Nacyjanalnaj akademii navuk Biełarusi, Minpryrody i Biełaruskaj arhanizacyi palaŭničych i rybałovaŭ. Tunel vyšynioj 4,7 mietra i šyrynioj kala dziesiaci mietraŭ prakładzieny pad asnovaj novaj darohi.
Kamientary