«Biesić, kali mnie kažuć kitajskaje «nichaa». Kazaška raskazała, jak joj žyviecca ŭ Biełarusi
Kamiła naradziłasia ŭ Kazachstanie, ale žyvie ŭ Biełarusi. Dziaŭčyna zapisała dva tyktoki, dzie raskazała, jak da jaje ź jaje azijackaj źniešnaściu staviacca biełarusy i što jana hatovaja vieźci kiłahramami z radzimy.
Kamiła žyvie ŭ Biełarusi kala 10 hadoŭ, jana advučyłasia ŭ biełaruskim univiersitecie. Ciapier dziaŭčyna pracuje tarhietołaham.
U svaich videa dziaŭčyna raskazvaje, što biełarusy ŭ jaje časta pytajucca, adkul jana, a potym dziviacca, što jana dobra viedaje ruskuju movu. Ale ŭ hetym niama ničoha niezvyčajnaha — ruskuju movu ŭ Kazachstanie šyroka vykarystoŭvajuć.
Ź vierahodnaściu 70% biełarusy ź joj zahavorać nie pa-rusku, kaža Kamiła. A na jakoj movie? Adkaz vas ździvić:
«Raskazvaju, što biesić. Heta kali kažuć «nichaa» («pryvitańnie» pa-kitajsku. — NN). Kali ja vuzkavokaja, heta daloka nie značyć, što ja — pradstaŭnik Kitaja. I [navat] kali vy na miljon miljardaŭ pracentaŭ upeŭnieny, što pierad vami čałaviek z Kitaja — nie treba, prosta nie treba».
Naprykład, pieršy barjer projdzieny i atrymałasia znajści z Kamiłaj ahulnuju movu. Tady, dzielicca dziaŭčyna, biełarusy zadajuć joj dziŭnyja pytańni:
«Kali ludzi daviedvajucca, što ja z Kazachstana, u ich źjaŭlajecca ščyraje žadańnie spytać mianie, ci viedaju ja ich znajomaha z Kazachstana. U ich jość mierkavańnie, što my, usie kazachi Biełarusi, majem niejki ahulny čat, dzie my pierapisvajemsia. Jak minimum mianie ŭ takim čacie niama».
Časam z Kamiłaj znajomiacca z raźlikam na adnosiny, i dziaŭčyna tłumačyć, što ŭ jaje jość partnior. Tady Kamiłu prosiać paznajomić ź siabroŭkaj-kazaškaj, i heta stavić jaje ŭ tupik, bo znajomić niama z kim. Za 10 hadoŭ žyćcia ŭ Biełarusi ŭ Kamiły było tolki dźvie dobryja znajomyja z Kazachstana, pry hetym adna ź ich była biełaruska, a inšaja — mietyska, to-bok mieła inšyja karani, akramia azijackich.
Kamiła raskazvaje i pra pradukty. Tolki heta nie kamplimienty biełaruskim stravam, jakija časam davodzicca čuć ad zamiežnikaŭ:
«Ja z uschodniaha Kazachstana, i ŭ nas sapraŭdy smačnaja jałavičyna. Usie čatyry kursy, što ja tut vučyłasia va ŭniviery, ja vaziła z Kazachstana miasa — u mianie było 5 kh rečaŭ i 15 kh miasa».
U kamienty da Kamiły zazirnuła biełaruska, jakaja šmat hadoŭ pražyła ŭ Kazachstanie. Dziaŭčyna vykłała śpis taho, što razdražniała ŭ Kazachstanie jaje:
«Nacyjanalizm, jakaść pavietra, ekałohija (aciapleńnie vuhalem), hramadski transpart, śmiećcie, usieahulny dostup da kredytaŭ. Nie dadała jašče karupcyju».
«Naša Niva» — bastyjon biełaruščyny
PADTRYMAĆCiapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA6
Kamientary
Na heta nie treba abražacca. Prosta treba navučyć, jak vitacca pa-kazachsku. I biełarusy buduć vitacca pa-kazachsku.
Biełarusy - nie ruskija!
Ruskija b prosta abazvali "[Red. Vydalena]", napisali b "vali obratno v svoj Kazachstan" i skazali: "hovori po-russki, [Red. Vydalena]".
Tak što, canicie, pavažnyja kazaški, jak dobra i z pavahaj staviacca biełarusy da roznych narodaŭ.
[Zredahavana]