MUS Biełarusi nie kamientuje infarmacyju nakont mahčymaha zatrymańnia Kulašova
Ministerstva ŭnutranych spraŭ Biełarusi nie budzie kamientavać infarmacyju ab isku francuzskaha advakata suprać kiraŭnika biełaruskaha MUS Anatola Kulašova. Ab hetym BiełaPAN zajavili ŭ ministerstvie. Pry hetym surazmoŭca paviedamiŭ, što ministr pakul znachodzicca ŭ Francyi.
Viarnucca ŭ Biełaruś jon pavinien siońnia, 20 studzienia.
Nahadajem, napiaredadni francuzski advakat Uiljam Burdon u Paryžy padaŭ sudovy isk suprać Anatola Kulašova, jaki znachodzicca ź vizitam u Francyi. Jak paviedamiła BiełaPAN pamočnica Uiljama Burdona, kiraŭnika MUS abvinavačvajuć u katavańniach. Advakat Burdon dziejničaje ad imia piaci biełarusaŭ. «Šansy, što spadara Kulašova aryštujuć, dastatkova vysokija, i my na heta raźličvajem», — adznačyła pamočnica advakata.
Jana nie skazała, čyje mienavita intaresy pradstaŭlaje advakat. Razam z tym hramadzianskaja inicyjatyva Free Belarus Now raspaŭsiudziła zajavu ab tym, što Burdon dziejničaje ad jaje imia. Inicyjatyva Free Belarus Now zasnavana siemjami apazicyjnych palitykaŭ i žurnalistaŭ, jakija byli aryštavanyja padčas razhonu demanstracyi 19 śniežnia 2010 hoda ŭ Minsku.
U Francyi Kulašoŭ razam z kiraŭnikami Nacyjanalnaha centralnaha biuro Interpoła ŭ Biełarusi i ŭpraŭleńnia mižnarodnaha supracoŭnictva MUS znachodzicca z 17 studzienia ź vizitam pa linii Mižnarodnaj arhanizacyi kryminalnaj palicyi — Interpoła. Jak paviedamili BiełaPAN jurysty, u hetym vypadku ŭ ministra ŭnutranych spraŭ Biełarusi pavinien być imunitet i jon nie moža być zatrymany.
Anatol Kulašoŭ uklučany ŭ śpis biełaruskich čynoŭnikaŭ, jakim zabaronieny ŭjezd na terytoryju Jeŭrasajuza ŭ suviazi z parušeńniem u Biełarusi standartaŭ praviadzieńnia vybaraŭ. Ale vizavyja sankcyi ES nie dziejničajuć u vypadkach, kali čynoŭniki naviedvajuć mierapryjemstvy mižnarodnych arhanizacyj. Francuzskaja viza kiraŭniku MUS Biełarusi vydadziena pa prośbie Interpoła.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary