Bolš za tysiaču bieraściejcaŭ zapatrabavali likvidavać smurod u horadzie
Podpisy źbirali aktyvisty «Havary praŭdu!»
Bresckija aktyvisty hramadzianskaj kampanii «Havary praŭdu!» sabrali bolš za tysiaču podpisaŭ pad zvarotam da miascovych uład z patrabavańniem likvidavać pryčyny smurodu ŭ horadzie.
Dakumient nakiravany 20 studzienia ŭ Brescki harvykankam.
Jak paviedamiła aktyvist kampanii Hanna Kanius, u zvarocie sa spasyłkaj na zakon «Ab
«Zbor podpisaŭ pad hetym kalektyŭnym patrabavańniem pačali ŭ kancy vieraśnia minułaha hoda ŭ miežach raspačataj nami akcyi „Za čystaje pavietra“, — dapoŭniła Kanius. — Nahodaj pasłužyli zvaroty hramadzian u hramadskuju pryjomnuju kampanii ŭ Breście».
Pavodle jaje słoŭ,
žylcy damoŭ u centry horada pobač z rakoj Muchaviec skardzilisia na niepryjemny pach, jaki ŭžo nie pieršy hod zapaŭniaje ich kvatery i damy, a ŭłady dahetul nie vyrašyli hetu prablemu.
«Spadziajemsia, što jany zrobiać heta paśla zvarotu da ich bolš čym tysiačy brestaŭčan. Jak akazałasia, z prablemaj smurodu sutykajucca žychary nie tolki centra horada», — adznačyła Kanius.
Jana nahadała, što aktyvisty kampanii «Havary praŭdu!» padavali zajaŭki ŭ harvykankam na try pikiety: 25, 26 i 27 listapada z metaj pryciahnuć uvahu ŭład da prablemy smurodu ŭ Breście i vykazać pratest u suviazi ź biaździejnaściu čynoŭnikaŭ u hetym pytańni.
Praviadzieńnie ŭsich pikietaŭ harvykankam zabaraniŭ.
«My ličym, što čynoŭniki pabajalisia publičnaha ahučvańnia prablemy, jakaja chvaluje mnohich žycharoŭ horada. Pieryjadyčna jany vymušany začyniać u svaich kvaterach i damach usie vokny i fortački, jak u padvodnych łodkach zadrajvajuć luki», — padkreśliła Kanius.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii2
Kamientary