Niekalki dzion tamu nieviadomyja kinuli aŭto pad voknami miascovaj kaviarni.
U Zasłaŭi kala kaviarni «Avieniu» na vulicy Savieckaj niekalki dzion staić vialiki čorny limuzin. Na baku aŭto ŭ niekalkich miescach naniesieny nadpis z adrasam sajta čarhovaj finansavaj piramidy sumna viadomaha Siarhieja Maŭrodzi. Numary ŭ aŭto tranzitnyja.
U administracyi kaviarni karespandentu «NN» paviedamili, što nie majuć dačynieńnia da limuzina: «Chtości pryparkavaŭ mašynu ŭ nas pad voknami niekalki dzion tamu. Z taho času aŭto nichto nie zabiraŭ. My nie viedajem, chto ŭłaśnik aŭto i kudy jon padzieŭsia».
Nahadajem, što naprykancy minułaha hoda ŭ Baranavičach źjaviŭsia biłbord z rekłamaj MMM. Jaho zamoviŭ adzin z udzielnikaŭ piramidy, pry hetym jon nie atrymaŭ adpaviednaha dazvołu.
Adrodžanaja Siarhiejem Maŭrodzi piramida pačała dziejničać u studzieni 2011 hoda. Novaje dziecišča jon nazvaŭ u duchu epochi — finansavaj sacyjalnaj sietkaj. Achviarami pieršaj finansavaj piramidy MMM stali ad 10 da 15 miljonaŭ čałaviek, pamier naniesienaj škody pa roznych acenkach naličvaje ad $100 miljonaŭ da $80 miljardaŭ.
Novaja piramida taksama apynułasia pryciahalnaj dla amataraŭ chutkich hrošaj. U kastryčniku 2011 hoda ŭ «MMM-2011» ustupili 70 tysiač biełarusaŭ.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary