Pa słovach udzielnikaŭ, pa ŭsim śviecie ŭ jaje ŭstupiła 2 miljony čałaviek.
Finansavaja piramida «MMM-2011», zapuščanaja Siarhiejem Maŭrodzi ŭ studzieni hetaha hoda, pryciahnuła niamała prychilnikaŭ siarod žycharoŭ Biełarusi. Jak raspavioŭ adzin ź biełaruskich udzielnikaŭ prajekta,
na dadzieny momant u sistemie kala 70 tysiač našych suajčyńnikaŭ, i ich kolkaść uvieś čas raście.
«Prajekt u Biełarusi, jak i paŭsiul, zapuščany ŭ studzieni, usio pracuje stabilna, va ŭsim śviecie ŭžo pryniali udzieł bolš za 2 miljony čałaviek, ni ŭ koha niama pretenzij i skarh, dahetul usio ŭsim vypłačvajecca ŭ poŭnym abjomie», — adznačyła krynica.
Pa jaho słovach,
u siarednim biełarusy ŭkładvajuć u novuju «MMM» ad $500 da $2000.Pry hetym sustrakajucca i ŭnioski pa $10 000. I va ŭmovach niestabilnaści biełaruskaha rubla kolkaść achvotnikaŭ «ryzyknuć» u «MMM» raście.
Dla kupli virtualnych MMM-dalaraŭ udzielniki pavinny adkryć bankaŭski rachunak (u amierykanskich dalarach ci biełaruskich rublach) i źviazacca z adpaviednym čałaviekam u ijerarchii piramidy.
Adsotki, jakija prapanuje Maŭrodzi svaim inviestaram, uražvajuć.
Na asnoŭnym uniosku možna atrymać prybytak u 20% u miesiac.A depazitny ŭniosak na hod moža prynieści i pa 50% štomiesiac. Praŭda, pry takim uniosku hrošy nielha zabrać z rachunku na praciahu ŭsich 12 miesiacaŭ.
Cikava, što Maŭrodzi z samaha pačatku pracy prajekta na svaim sajcie papiaredziŭ, što «MMM-2011» — heta finansavaja piramida, i hrošy biarucca tolki sa srodkaŭ novych udzielnikaŭ. Usio moža ŭ luby momant pavalicca, i ŭdzielniki straciać usie hrošy biez usiakich pryčyn i tłumačeńniaŭ.
Pry hetym pretenzij u pravaachoŭnych orhanaŭ da prajekta niama i być nie moža, bo
«MMM-2011» nie jurydyčnaja asoba.
«Ź jurydyčnaha punkta hledžańnia „MMM-2011“ naohuł nie isnuje. Pa fakcie — heta sacyjalnaja sietka, mnostva fizičnych asob, usie hrošy raspyleny na rachunkach dziasiatnikaŭ, jakija absłuhoŭvajuć šarahovych udzielnikaŭ, — ličyć jon. —
Sam ža Siarhiej Maŭrodzi — farmalna nijaki nie kiraŭnik, a kansultant».
Kamientary