Padčas uskładańnia kvietak z nahody hadaviny vyvadu vojskaŭ z Afhanistana vieterany-afhancy pa kamandzie «vakoł» paviarnulisia da prezidenta Viktaru Janukoviča śpinoj.
Adbyłasia heta ŭ Kijevie kala pomnika voinam-afhancam, paviedamlaje «Ukrainskaja praŭda» sa spasyłkaj na namieśnika staršyni praŭleńnia Usieŭkrainskaj hramadskaj arhanizacyi «Nichto akramia nas» Uładzimir Siardziuk.
Jon rastłumačyŭ, što afhancy takim čynam vykazali svajo staŭleńnie da sistemy, jakaja pazbaŭlaje ich ilhot.
Pavodle jaho słoŭ, z hoda ŭ hod jany prychodziać uskłaści kvietki da pomnika zahinułym na vajnie. Adnak na hety raz milicyja nie padpuściła afhancaŭ da pastamienta, paviedamiŭšy, što ich «niama ŭ śpisie».
Vieteranaŭ aburyła toje, što im daviałosia čakać kala dvuch hadzin, pakul kvietki ŭskładuć akurat tyja, chto pazbaŭlaje ich lhot. U akcyi ŭziali ŭdzieł niekalki socień vieteranaŭ u formie i ŭ cyvilnym.
Kamientary