«Nie padabajecca — nie kuplajcie bilety i nie hladzicie»

Pravasłaŭnyja Bresta nie buduć vystupać za admienu vystupu Sankt-Pieciarburhskaha teatra «Rok-opiera» z pastanoŭkaj «Isus Chrystos — supierzorka». Ab hetym paviedamlajecca na sajcie prychoda Śviatoha Chrystova Naradžeńnia Bresta. U hetym abłasnym centry śpiektakl adbudziecca 29 lutaha.

U svaim zvarocie redakcyja sajta prychoda krytykuje dziejańni tych «radykałaŭ z pravasłaŭnaha asiarodździa», chto padniaŭ «chvalu kampanii zabarony pastanoŭki ŭ Biełarusi»:

«Hetyja ludzi viadomyja svajoj niaspynnaj baraćboj ź ciapierašnimi nacyjanalnymi pašpartami, identyfikacyjnymi numarami padatkapłatnika (IPP) i inšymi padobnaha rodu adyjoznymi akcyjami, jakija ŭ vačach śvieckich ludziej surjozna dyskredytujuć vobraz pravasłaŭnaj carkvy.

Pad taki cisk trapiŭ šerah duchavienstva (nastajacielaŭ bresckich chramaŭ) i jeparchijalnaje kiraŭnictva.

Sutnaść ich patrabavańniaŭ u tym, kab ad imia Bresckaj jeparchii źviarnucca da śvieckich uładaŭ z patrabavańniem (!) zabaranić pakaz zhadanaj rok-opiery ŭ Breście. Ale kali ŭ Mahilovie i Homieli abłasnyja administracyi pajšli na sastupki, to ŭ Breście abłvykankam nie schilny paturać radykałam z pravasłaŭnaha asiarodździa i nahadvaje ab śvieckim charaktary biełaruskaha hramadstva, adździaleńni carkvy ad dziaržavy, ab pravie niavierujučych ludziej mieć inšyja pierakanańni i hladzieć śpiektakli, jakija im pa huście.

«Nie padabajecca — nie kuplajcie bilety i nie hladzicie».

Pry hetym pravasaŭny sajt nie abaraniaje opieru. Naadvarot, jon adznačaje, što traktavańnie Jevanhiella aŭtarami rok-opiery «dla pravasłaŭnych viernikaŭ… miakka kažučy, nieprymalnaje»: «Heta vykładańnie padziej, apisanych u Jevanhielli, ale tak, jak jaho zrazumieli aŭtary miuzikła. ​​A zrazumieli jany ich vielmi svojeasabliva. paŭtorymsia — jany niavierujučyja. Adsiul niepaźbiežny kanflikt pamiž tradycyjnaj dla bolšaści chryścijanskich kanfiesij traktoŭkaj Jevanhielskich padziej i libreta rok-opiery».

«Razam z tym, — havorycca ŭ paviedamleńni, — u

hady SSSR i ateistyčnaj prapahandy rok-opiera «Isus Chrystos — supierzorka» stała tym spuskavym kručkom, nacisnuŭšy na jaki ludzi pačali surjozna cikavicca pieršakrynicaj — Jevanhiellem, i mnohija ź ich, u kančatkovym vyniku, pryjšli da Boha».

Adznačym, što pieršymi vykazali svaju niezadavolenaść pastanoŭkaj pravasłaŭnyja Mahilova. Kala 500 podpisaŭ było nakiravana staršyni Mahiloŭskaha abłvykankama Piatru Rudniku pad zvarotam admianić u Mahilovie vystupleńnie Sankt-Pieciarburhskaha teatra «Rok-opiera» z pastanoŭkaj «Isus Chrystos — supierzorka». U vyniku rok-opiery mahiloŭcy nie ŭbačać, a śledam ab admienie pradstaŭleńnia ŭ Homieli paprasiła Homielskaja jeparchija BPC.

• 0
• 0
• 0
• 0
• 0
• 0
• 0
• 0