Na sustreču kiraŭnikoŭ MZS Vyšahradskaj hrupy i krain Uschodniaha partniorstva.
Kiraŭnik biełaruskaha źniešniepalityčnaha viedamstva Siarhiej Martynaŭ pakul nie zaprošany na sustreču ministraŭ zamiežnych spraŭ krain Vyšahradskaj hrupy i Uschodniaha partniorstva, jakaja projdzie 4 sakavika ŭ Prazie. Pra heta paviedamiŭ žurnalistam pasoł pa asablivych daručeńniach MZS Čechii Pieter Maraš 21 lutaha na
Jon nie staŭ nazyvać umovy, na jakich Martynava mohuć zaprasić u Prahu, ale ŭdakładniŭ: «Abodva baki viedajuć, što treba zrabić, kab heta adbyłosia».
Češski pasoł paviedamiŭ, što znachodziŭsia ŭ Minsku z dvuchdzionnym vizitam, padčas jakoha sustreŭsia z pradstaŭnikami MZS, ministerstvaŭ kultury i adukacyi, BDU i Nacyjanalnaj akademii navuk.
Maraš, u pryvatnaści, sustrakaŭsia z namieśnikam načalnika hałoŭnaha ŭpraŭleńnia Jeŭropy — načalnikam upraŭleńnia ahulnajeŭrapiejskaha supracoŭnictva MZS Ramanam Ramanoŭskim.
«Jak zaŭsiody na ŭsich sustrečach, my zakranuli toje, što my nazyvajem prablemami ŭ našych adnosinach — heta ahulnapryniatyja kaštoŭnaści. Ale heta tema zaraz nie raźvivałasia», — zajaviŭ Maraš.
Adkazvajučy na pytańnie, ci ŭźnimałasia padčas pieramoŭ tema palitźniavolenych, pasoł pa asablivych daručeńniach adkazaŭ admoŭna.
Razam z tym jon padkreśliŭ, što pazicyja Čechii i Jeŭrasajuza pa hetaj prablemie daŭno abnarodavana i zastajecca niaźmiennaj: «Vyzvaleńnie palitźniavolenych — heta pieršy krok dla raźvićcia supracoŭnictva pamiž ES i Biełaruśsiu».
Kažučy pra najaŭny stan adnosinaŭ Biełarusi i ES, Pieter Maraš acharaktaryzavaŭ ich słovam «tupik». «Vyjści z hetaha tupika možna tolki namahańniami dvuch bakoŭ, i nam zdajecca, što naša ruka dla supracoŭnictva ŭžo praciahnuta, čakajem zaraz ruki Minska», — padkreśliŭ pasoł.
Pry hetym Maraš zaznačyŭ, što dla Čechii Biełaruś vielmi važnaja i praciah udziełu krainy va Uschodnim partniorstvie Čechija ličyć adnym z najvažniejšych pytańniaŭ.
«Biełaruś — heta jeŭrapiejskaja kraina, jana była ź Jeŭropaj amal usiu svaju historyju, a zaraz kidajecca pamiž Uschodam i Zachadam, — skazaŭ Maraš. — U takoj situacyi ciažej za ŭsio znajści bałans. Lahčej było b kinuć Biełaruś u izalacyi, ale my hetaha nie chočam. Zusim pierapyniać kamunikacyi nielha, tamu što my viedajem, što jość adna tolki stalica (Maskva. — BiełaPAN.), jakaja zdoleje hetu situacyju skarystać i ŭ jakoj chopić na heta srodkaŭ».
Kamientary