На сустрэчу кіраўнікоў МЗС Вышаградскай групы і краін Усходняга партнёрства.
Кіраўнік беларускага знешнепалітычнага ведамства Сяргей Мартынаў пакуль не запрошаны на сустрэчу міністраў замежных спраў краін Вышаградскай групы і Усходняга партнёрства, якая пройдзе 4 сакавіка ў Празе. Пра гэта паведаміў журналістам пасол па асаблівых даручэннях МЗС Чэхіі Петэр Мараш 21 лютага на
Ён не стаў называць умовы, на якіх Мартынава могуць запрасіць у Прагу, але ўдакладніў: «Абодва бакі ведаюць, што трэба зрабіць, каб гэта адбылося».
Чэшскі пасол паведаміў, што знаходзіўся ў Мінску з двухдзённым візітам, падчас якога сустрэўся з прадстаўнікамі МЗС, міністэрстваў культуры і адукацыі, БДУ і Нацыянальнай акадэміі навук.
Мараш, у прыватнасці, сустракаўся з намеснікам начальніка галоўнага ўпраўлення Еўропы — начальнікам упраўлення агульнаеўрапейскага супрацоўніцтва МЗС Раманам Раманоўскім.
«Як заўсёды на ўсіх сустрэчах, мы закранулі тое, што мы называем праблемамі ў нашых адносінах — гэта агульнапрынятыя каштоўнасці. Але гэта тэма зараз не развівалася», — заявіў Мараш.
Адказваючы на пытанне, ці ўзнімалася падчас перамоў тэма палітзняволеных, пасол па асаблівых даручэннях адказаў адмоўна.
Разам з тым ён падкрэсліў, што пазіцыя Чэхіі і Еўрасаюза па гэтай праблеме даўно абнародавана і застаецца нязменнай: «Вызваленне палітзняволеных — гэта першы крок для развіцця супрацоўніцтва паміж ЕС і Беларуссю».
Кажучы пра наяўны стан адносінаў Беларусі і ЕС, Петэр Мараш ахарактарызаваў іх словам «тупік». «Выйсці з гэтага тупіка можна толькі намаганнямі двух бакоў, і нам здаецца, што наша рука для супрацоўніцтва ўжо працягнута, чакаем зараз рукі Мінска», — падкрэсліў пасол.
Пры гэтым Мараш зазначыў, што для Чэхіі Беларусь вельмі важная і працяг удзелу краіны ва Усходнім партнёрстве Чэхія лічыць адным з найважнейшых пытанняў.
«Беларусь — гэта еўрапейская краіна, яна была з Еўропай амаль усю сваю гісторыю, а зараз кідаецца паміж Усходам і Захадам, — сказаў Мараш. — У такой сітуацыі цяжэй за ўсё знайсці баланс. Лягчэй было б кінуць Беларусь у ізаляцыі, але мы гэтага не хочам. Зусім перапыняць камунікацыі нельга, таму што мы ведаем, што ёсць адна толькі сталіца (Масква. — БелаПАН.), якая здолее гэту сітуацыю скарыстаць і ў якой хопіць на гэта сродкаў».
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты8
Каментары