Anatol Labiedźka źviarnuŭsia ŭ sud Centralnaha rajona Minska z sudovym pazovam da Ministerstva ŭnutranych spraŭ i Ministerstva justycyi.
Palityk patrabuje pryciahnuć da adkaznaści vinavatych u parušeńni jaho kanstytucyjnaha prava na svabodu pieramiaščeńnia.
«Nakolki ja viedaju, pakul što dziejańnie Kanstytucyi ŭ Biełarusi nie prypyniena», — adznačyŭ Anatol Labiedźka. A z hetaha vynikaje, što napisanaje tam, pavinna vykonvacca na praktycy. I za svaje pravy treba zmahacca, vykarystoŭvajučy usie mahčymaści, navat hety vyrodlivy sud», — paviedamlaje sajt AHP.
Nahadajem, što Anatola Labiedźku nie vypuścili ź Biełarusi 7 sakavika.Na pamiežnym pierachodzie «Kamienny Łoh» jamu admoŭlena ŭ vyjeździe z krainy na toj padstavie, što jamu zabaronieny vyjezd ź Biełarusi. U Litvu Labiedźka vyjechaŭ praz Rasiju, a zatym viarnuŭsia ŭ Biełaruś.
20 sakavika jon atrymaŭ tłumačeńni ŭ Adździele hramadzianstva i mihracyi Centralnaha rajona Minska.
Palityku vydali daviedku, pavodle jakoj u jaho isnujuć časovyja abmiežavańni na vyjezd z terytoryi Biełarusi.Hetyja abmiežavańni nakładzienyja ŭ adpaviednaści ź listom Miniusta ad 5 sakavika na padstavie infarmacyi, što Labiedźka «ŭchilajecca ad abaviazańniaŭ, nakładzienych na jaho sudom». U daviedcy, adnak, nie było skazana, jakija kankretna abaviazańni majucca na ŭvazie i jakim sudom jany nakładalisia.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary