Pra heta było zajaŭlena na sustrečy z hiendyrektaram MAHATE.
Biełaruś hatova da budaŭnictva druhoj AES, ab hetym zajaviŭ Alaksandr Łukašenka siońnia na sustrečy z hienieralnym dyrektaram Mižnarodnaha ahienctva pa atamnaj enierhii (MAHATE) Jukia Amana, jaki znachodzicca ź vizitam u Minsku.
«Kali budzie vaša sadziejničańnie, padtrymka i adpaviednyja ŭmovy, my hatovyja i druhuju atamnuju stancyju pabudavać u Biełarusi», — skazaŭ Łukašenka.
Jon ćviorda pierakanany, što jadziernaja enierhietyka — heta najbolš biaśpiečny šlach atrymańnia tannaj enierhii.«Ja ćviorda pierakanany, što jadziernaj enierhietycy być i što heta najbolš biaśpiečnaja śfiera i najbolš biaśpiečny šlach atrymańnia tannaj enierhii, u jakoj śviet budzie mieć usio bolšuju patrebu», — skazaŭ jon.
Alaksandr Łukašenka adznačyŭ, što śviet pieražyvaje asablivy pieryjad u raźvićci mirnaha atama paśla viadomych padziej u Japonii i prablem ź jadziernaj elektrastancyjaj «Fukusima», uźnikšych paśla hetaj katastrofy reakcyi i namieraŭ Hiermanii i inšych krain zharnuć jadziernyja prajekty. «U hety asablivy pieryjad my ćviorda i adnaznačna zajaŭlajem ab tym, što my nie prosta majem namier pabudavać atamnuju elektrastancyju, ale i pačali jaje budaŭnictva», — skazaŭ jon.
«Ja liču, što MAHATE — arhanizacyja, vielmi zacikaŭlenaja ŭ tym, kab takija, viadoma ž, biaśpiečnyja prajekty ŭ śviecie realizoŭvalisia. Tamu my vielmi spadziajomsia, što pan Amana, jak i papiarednija kiraŭniki hetaha ahienctva, akaža nam surjoznuju maralnuju padtrymku ŭ budaŭnictvie atamnaj elektrastancyi», — adznačyŭ Łukašenka.
Alaksandr Łukašenka źviarnuŭ uvahu na toje, što budaŭnictva AES prachodzić u krainie, jakaja najbolš surjozna paciarpieła ad katastrofy na Čarnobylskaj AES.
«I toje, što siońnia nasielnictva — nam heta ŭdałosia zrabić — padtrymlivaje hety prajekt, vielmi simptamatyčna»,— skazaŭ jon.
Źviartajučysia da Jukija Amana, Łukašenka vykazaŭ nadzieju, što, paznajomiŭšysia ź Biełaruśsiu i ŭbačyŭšy ŭsio na ŭłasnyja vočy, jon zrobić dla siabie peŭnyja vyvady ab tym, jak pracavać ź Biełaruśsiu i ŭ jakim napramku.
U svaju čarhu hość padkreśliŭ, što Biełaruś źjaŭlajecca vielmi važnym partnioram dla MAHATE, pakolki ŭ krainy jość svoj sumny vopyt u suviazi z avaryjaj na Čarnobylskaj AES. Jon adznačyŭ, što avaryja na «Fukusimie» surjozna padarvała davier ludziej da atamnaj enierhietyki. Niekatoryja krainy, takija jak, naprykład, Hiermanija, vyrašyli ŭstrymacca ad vykarystańnia ŭ dalejšym atamnaj enierhii, ale niekatoryja dziaržavy pryniali rašeńnie jaje raźvivać. «Kožnaja kraina maje patrebu ŭ raźvićci enierhietyki, palapšeńni žyćcia svajho nasielnictva, i ŭ suviazi z hetym źjaŭlajecca važnym rašeńnie ab vykarystańni atamnaj enierhii», — ličyć hiendyrektar MAHATE.
***
Nahadajem, što pieršuju AES z dapamahoj Rasii miarkujecca ŭvieści na kala miažy ź Litvoj, u Astravieckim rajonie. Uvod pieršaha błoku zapłnavany na 2017 hod, druhoha błoku — na 2017–2018 hady.
Ciapier čytajuć
Aryštavali byłoha pamočnika Michaiła Miaśnikoviča10
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary