Palitołah Alaksiej Karol kamientuje vychad na svabodu Andreja Sańnikava.
Palitolah Alaksiej Karol kamentuje vyzvaleńnie Sańnikava: «Toje, što adbyłosia — heta dobry znak, ja rady za Sańnikava, jaho siamju, maleńkaha syna. Heta na samaj spravie dobraja navina. Vieru, što buduć i inšyja vyzvaleńni. Ale bajusia, što nia ŭsich i nie adrazu, a pa častkach, heta značyć pradoŭžycca hety handal zakładnikami. I jość vialikaja niebiaśpieka, što tyja, chto nie padpisaŭ prašeńnie ab pamiłavańni, jak heta zrabiŭ Andrej Sańnikaŭ, u tym liku i były kandydat u prezidenty Mikoła Statkievič, nie buduć adpuščanyja. I tak i buduć siadzieć. Voś heta niebiaśpiečna.
Vyzvaleńnie — heta vynik uździejańnia sankcyj, i nadzieja Łukašenki znoŭ viarnuć sabie mahčymaść łaviravańnia pamiž Uschodam i Zachadam.Heta śviedčańnie taho, što Łukašenku nia chočacca całkam traplać pad vasalnuju zaležnaść ad Rasiei. Ci dobry heta znak dla demakratyčnaj hramadzkaści? Nie. My nia bačym tut nijakaj liberalizacyi, nijakaha namioku na padrychtoŭku da demakratyčnych parlamenckich vybaraŭ. Heta łaviravańnie budzie zaŭsiody ŭpiracca ŭ tuju pieraškodu, za jakoj ułada budzie bajacca stracić kantrol nad sytuacyjaj u krainie. Jany nie dapuściać tut nijakich sumlennych i svabodnych vybaraŭ, tamu što pieršyja ž sumlennyja i svabodnyja vybary kamienia na kamieni nie pakinuć ad hetaj ułady».
Kamientary