Dvajnoje samahubstva ŭ Ivacevickim rajonie
Chłopcy niekalki miesiacaŭ pisali ŭ sacsietkach, što nie chočuć žyć, ale nichto nie pasprabavaŭ ich spynić.
«Usim pakul ... Ja sychodžu z hetaha žyćcia!! Tamu što ŭ hetym žyćci nikomu nie patrebny ...» — takija zapisy ź intervałam u niekalki hadzin na svaich staronkach Vkontaktie pakinuli dvoje navučencaŭ Biarozaŭskaha prafiesijnaha liceja budaŭnikoŭ. U hetuju ž noč adnakurśniki nahłytalisia tabletak, piša «Kamsamolskaja praŭda ŭ Biełarusi».
17-hadovaha Dźmitryja «chutkaja» zabrała ŭ reanimacyju. 18-hadovaha Paŭła lekary znajšli ŭžo miortvym.
Trahiedyja zdaryłasia ŭ vioscy Barany Ivacevickaha rajona, dzie liceisty prachodzili praktyku i razam zdymali žyllo.
— U noč na 2 maja Pavieł vypiŭ 30 tabletak, a Dźmitryj — 20. Zapiŭšy ich pivam, chłopcy lahli spać, — raspaviadaje «Kamsamołcy» prakuror Ivacevickaha rajona Ihar Kołbik. — Unačy Dźmitryja stała vanitavać. Ad šumu pračnułasia haspadynia doma i jašče dvoje ich adnakurśnikaŭ, jakija vyklikali «chutkuju». Paŭła znajšli miortvym u prybiralni.
Pavodle papiaredniaj viersii, maładyja ludzi vyrašyli skončyć žyćcio samahubstvam.
Što ž adbyłosia ŭ tuju złaščasnuju noč, rodnyja i siabry maładych ludziej da hetaha času nie mohuć zrazumieć.
— My nie možam pryjści ŭ siabie, — kaža dyrektar Biarozaŭskaha prafiesijnaha liceja budaŭnikoŭ Alaksandr Nielipovič. — Paša i Dzima byli zdolnymi studentami, na ŭliku ŭ milicyi nie stajali. Ja razmaŭlaŭ i z našymi psichołahami, i ź siabrami chłopcaŭ — nijakich matyvaŭ dla samahubstva ŭ ich nie było!
— Moža być, prablemy na pracy?
— Praca im padabałasia. Jany prachodzili praktyku ŭ pryvatnaj firmie, jakaja zaklučyła ź imi damovy z dalejšym pracaŭładkavańniem.
Rodnyja maładych ludziej taksama nie mohuć znajści tłumačeńniaŭ ich ŭčynku. Pa ich słovach, chłopcy byli viasiołyja, bieskłapotnyja.Na samoj spravie dastatkova zazirnuć na ich staronki Vkontaktie, kab zrazumieć, što ŭ chłopcaŭ nie ŭsio ŭ žyćci było tak bieskłapotna. Voś što publikavaŭ Pavieł na svajoj staroncy: «Samahubstva — maleńnie ab dapamozie, jakuju nichto nie pačuŭ», «Sens žyćcia prosty, bo jaho niama», «Śmierć — samaja lepšaja ŭznaharoda za ŭsio hetaje vartaje žalu isnavańnie, nazvanaje žyćciom».
I takija zapisy źjaŭlalisia amal kožny dzień na praciahu dvuch miesiacaŭ! Ale hetyja strašnyja słovy zaŭvažyŭ tolki 13-hadovy plamieńnik Danił.
— Ja pytaŭsia Pašu, čamu jon piša takija rečy, ale jon mnie nie adkazvaŭ ci kazaŭ: «Heta prosta prykoł!»
Staronka Dzimy, jaki vyžyŭ, pałochaje nie mienš. Za niekalki dzion da trahiedyi chłopiec pakinuŭ zapis: «U hetym žyćci niama miesca dla mianie». Moža, heta niaščasnaje kachańnie? Bo ranicaj 2 maja dziaŭčyna chłopca pakinuła zapis:
«Daruj mnie, soniejka, ja ciabie vielmi-vielmi mocna-mocna kachaju».
— Dy nie svaryŭsia jon sa svajoj dziaŭčynaj. A što takoje internet, ja nie viedaju. Što jon piša ŭ sacsietkach? Nie viedaju ... — Pryznałasia nam mama Dzimy.
Zaraz małady čałaviek znachodzicca ŭ reanimacyi.
— Lekary kažuć, što jon idzie na papraŭku, — kaža maci.
Rasśledavańniem zdareńnia zajmajecca Ivacevicki rajonny adździeł Śledčaha kamiteta.
***
Telefony słužby ekstranaj psichałahičnaj dapamohi
Kruhłasutkavaja słužba ekstranaj psichałahičnaj dapamohi «Telefon davieru»: 8 (017) 202-04-01
Respublikanskaja telefonnaja «haračaja linija» pa akazańni psichałahičnaj dapamohi niepaŭnahadovym, što trapili ŭ kryzisnuju situacyju: 8-801-100-16-11
Kamientary