A što ź im rabić? Adkazvajuć Hłobus, Puškin, Lipkovič...
«U domie kožnaha biełarusa pavinien być słucki pojas» — zajaviŭ Łukašenka padčas zvarotu da parłamienta i naroda. «Naša Niva» spytałasia viadomych biełarusaŭ, jakoje prymianieńnie słuckamu pojasu jany bačać u siabie doma.
Jaŭhien Lipkovič: «Ja daŭno dumaŭ, što «Miłavica» musić pačać vypuskać słuckija pajasy. Pry čym adrazu da pančochaŭ. Voś takoje prymianieńnie słuckaha pojasa mnie vielmi padabajecca».
Adam Hłobus: «Nijakaha, ja nie baracholščyk. Ja liču, što słucki pojas, vyšyvanka i sałamiany bryl — heta suvienirnaja krama. Ja nie liču što suvierenitet i suvienir — heta sinonimy. Ja lublu sučasnaść, a nie butaforyju. Tamu ŭ mianie doma nikoli nie budzie słuckaha pojasa, tolki kali ŭ vyhladzie fotazdymka ŭ padručniku pa historyi mastactva»
Aleś Puškin: «Kali b u mianie byŭ słucki pojas, jon by zaniaŭ samaje pačesnaje miesca ŭ maim domie — pobač z abrazami. Ale ž heta niejkaja fantastyka! Ja liču, što hetaj frazaj Łukašenka daje kamandu na viartańnie da našych kaštoŭnaściaŭ. My ŭstupili va ŭsie hetyja sajuzy, ale voś heta fraza značyć, što my musim prytrymlivacca svajho šlachu, tradycyj. Ja hetaj frazaj budu karystacca pry razmovach ź miascovymi čynoŭnikami — kali, naprykład, patrebna restaŭracyja».
Nasta Pałažanka: «Pry ŭsim maim staŭleńni da Łukašenki, ja b sabie zajmieła słucki pojas, ale tut varta ŭzhadać, što apošni raz słuckija pajasy pryvozili ź Litvy, tamu treba dla pačatku, kab kraina mieła svaje pajasy. Kali ž pajasy buduć štučnyja, to ja nie dumaju, što heta niejak abudzić patryjatyzm biełarusaŭ. Tym nie mienš, suprać vystupać ja nie budu».
Źmicier Vajciuškievič: «Ja nie vielmi ŭłaviŭ hetuju dumku, ale dakładna mahu skazać, što słucki pojas — heta prykmieta zamožnaści, bahataha žyćcia. Niaŭžo 500 dalaraŭ zarobku — heta bahataje žyćcio? Tamu da słuckaha pojasa ŭ kožnym domie my nie daraśli, zatoje daraśli da samatkanaj kašuli — jaje mohuć dazvolić sabie ŭsie biełarusy. A kab u kožnaha byŭ słucki pojas, daviadziecca źmianić usiu sistemu».
Kamientary