Viečaram 12 maja ŭ Vilni na płoščy pierad čyhunačnym vakzałam prajšła akcyja, jakuju praviali aktyvisty niedziaržaŭnych arhanizacyj BelarusWatch i StudAlliance u miežach hramadzianskaj kampanii «Bieź vizy!», nakiravanaj na admienu vizavaha režymu ź Biełaruśsiu.
Akcyja była prymierkavanaja da adkryćcia instalacyi «Stahodździami razam, a ciapier…», jakaja simvalizuje barjery pamiž Biełaruśsiu i Litvoj.
Jak paviedamiŭ adzin z arhanizataraŭ Aleś Hierasimienka, vałanciory kampanii «Bieź vizy!» praviali hulniu, udzielniki jakoj prachodzili svojeasablivy «pahraničny punkt na
Im prapanoŭvałasia prajści ŭsie pracedury, ź jakimi sutykajucca biełarusy i litoŭcy, jakija žadajuć trapić na terytoryju susiedniaj dziaržavy.
«My prapanoŭvali prachožym, siarod jakich byli biełarusy, litoŭcy, ruskija i navat adzin amierykaniec, pierasiačy miažu, prajšoŭšy pierad hetym usie kruhi hetaj pracedury: atrymańnie strachoŭki, vizy, pieraadoleńnie mytni i hetak dalej», — raskazaŭ Hierasimienka.
Pavodle jaho słoŭ, za hadzinu praviadzieńnia akcyi ŭ joj uziali ŭdzieł bolš za 50 čałaviek, jakim paśla «pierasiačeńnia miažy» było prapanavana vykazacca nakont hetaha. U asnoŭnym, paviedamiŭ aktyvist, ludzi padtrymlivali ideju admieny viz i, adpaviedna, źviazanych ź ich atrymańniem prablem.
Padčas akcyi taksama byŭ arhanizavany zbor podpisaŭ pad «Antyvizavym manifiestam». Taksama ŭdzielniki akcyi zmahli padpisać paštoŭki, na jakich vykazvali svajo staŭleńnie da vizavych barjeraŭ. Paźniej hetyja paštoŭki buduć nakiravanyja ŭ dziaržaŭnyja orhany Litvy i Biełarusi.
Nahadajem, udzielniki kampanii «Bieź vizy!» nastojvajuć, što, niahledziačy na palityčnyja supiarečnaści, ułady Biełarusi i Jeŭrasajuza pavinny damaŭlacca abo prymać miery ŭ adnabakovym paradku dla ablahčeńnia kantaktaŭ pamiž ludźmi.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii11
Kamientary