Prakuratura pravodzić pravierku dziejnaści telekanała «Biełsat» u Biełarusi. Ab hetym paviedamlaje aficyjny sajt kanała.
Jak ličyć pradstaŭnik telekanała ŭ Biełarusi Michaś Jančuk, heta moža być źviazana z tym, što ŭ najbližejšy čas «Biełsat» źbirajecca ŭ čarhovy raz padać dakumienty na akredytacyju. «Całkam imavierna, što ŭžo zahadzia idzie pošuk farmalnych padstavaŭ dla admovy», — adznačyŭ Jančuk.
Jon nahadaŭ, što
«Biełsat» užo dvojčy padavaŭ dakumienty na akredytacyju ŭ Biełarusi — try i dva hady tamu, ale kožny raz atrymlivaŭ admovu.Pieršaja była z farmuloŭkaju «Padadzienyja dakumienty nie adpaviadajuć zakanadaŭstvu», chacia, pavodle słoŭ Jančuka, źmieny ŭ paradak akredytacyi byli ŭniesieny praz dva dni paśla padačy dakumientaŭ. Druhi raz, paviedamiŭ pradstaŭnik kanała, u akredytacyi admovili ŭ suviazi sa «šmatlikimi parušeńniami ŭ dziejnaści žurnalistaŭ kanała, jakija vyjaviła mienavita prakuratura». Razmova išła pra pracu biez akredytacyi.
Na hety raz, ličyć Jančuk,
nastupstvami prakurorskaj pravierki moža stać «administratyŭnaja adkaznaść, abvinavačańni ŭ pracy na zamiežny srodak masavaj infarmacyi biez akredytacyi».
Nahadajem, 23 maja ŭ Minsku kala Pałaca kultury čyhunačnikaŭ byli zatrymany žurnalisty Luboŭ Lebiedzieva i Aleś Lubiančuk, jakija zapisvali intervju dla «Biełsata» z pravaabaroncam Andrejem Bandarenkam, kiraŭnikom
Lebiedzievu adpuścili amal adrazu, teleapieratara — paśla dačy tłumačeńniaŭ. Lubiančuk pravioŭ u Kastryčnickim RUUS bolš jak 2,5 hadziny. Pavodle słoŭ žurnalista, u milicyi jamu «paabiacali», što historyja ź siońniašnim zatrymańniem budzie mieć praciah.
Spadarožnikavaje telebačańnie «Biełsat» viaščaje z 10 śniežnia 2007 hoda. Kanał byŭ stvorany jak strukturnaja adzinka Polskaha telebačańnia, dzie i mieścicca aficyjnaja redakcyja «Biełsata». Na terytoryi Biełarusi kanał nie maje aficyjnaha statusu i jaho praca abapirajecca na fryłansieraŭ.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m63
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary