Kiroŭca Renault Megane nie prapuściŭ jaje na čyrvonaje śviatło.
Pozna ŭviečary ŭ subotu na kruhavym skryžavańni vuł. Prytyckaha i pr. Puškina ŭ Minsku adbyłosia sutyknieńnie Reanult Megane i aŭtamabila «chutkaj dapamohi». Mašyna miedycynskaj słužby apynułasia na baku, paviedamlajuć vidavočcy na forumie onliner.by. U DAI Frunzienskaha rajona raspaviali, što ŭdar byŭ mocny, pa papiarednich dadzienych, paciarpieli dva čałavieki.
Da «Puškinskaj» pryjechali nie mienš za piać aŭtamabilaŭ «chutkaj», miedyki akazvali dapamohu paciarpiełym.
— Avaryja adbyłasia kala 23:00, — udakładniła staršy inśpiektar ahitacyi i prapahandy DAI Frunzienskaha rajona Alena Voŭčak. —
Aŭtamabil «chutkaj» ruchaŭsia z uklučanymi probliskavymi majačkami i hukavoj sirenaj pa vuł. Prytyckaha (z boku vuł. Sierdziča ŭ napramku vuł. Bieruta). Pa papiarednich dadzienych, jon prajazdžaŭ skryžavańnie na čyrvony sihnał śviatłafora. U hety čas pa pr. Puškina (z boku vuł. Adojeŭskaha ŭ napramku vuł. Matusieviča) jechaŭ Renault Megane. Za rulom znachodziŭsia małady čałaviek 1988 h. n. Mašyna, jakaja jechała pobač ź im, spyniłasia, a jon — nie.
Pavodle źviestak DAI,
paciarpieli abodva kiroŭcy.U šafiora (1962 h. n.) «chutkaj» — spałučanyja traŭma i ŭdary. U chłopca, jaki kiravaŭ Renault — traŭmy hrudziej i žyvata. Alena Voŭčak udakładniła, što
aŭtamabil «chutkaj» jechaŭ na vyklik. Pacyjentaŭ u im nie było.
Heta daloka nie pieršaja takaja avaryja ŭ Minsku. Zvyčajna jany adbyvajucca ŭ načny čas, i davoli časta mikraaŭtobusy słužby «chutkaj» akazvajucca na baku. Raniej pa inicyjatyvie miedykaŭ pry sadziejničańni DAI pravodziłasia śpiecyjalnaja akcyja, padčas jakoj praviarali, chto prapuścić aŭtamabil miedykaŭ z uklučanymi probliskavymi sihnałami.
Pobač z Łukašenkam na chakiei źjaviłasia novaja pryhažunia10
Kamientary