«Piersanał zvalniajecca, chutka pracavać nie budzie kamu».
Daktaram taksama patrebnaja dapamoha. Z pryčyny nievialikich zarobkaŭ i adsutnaści šancaŭ atrymać u ahladnaj budučyni kvateru miedycynskija rabotniki iduć na krajni krok — zvalnieńnie. U mnohich staličnych ustanovach achovy zdaroŭja vostra staić pytańnie deficytu kadraŭ. Śpiecyjalisty pierakananyja, što adziny šaniec utrymać rabotnikaŭ — nieadkładna vyrašyć ich žyllovaje pytańnie.
Pra prablemy miedycyny išła razmova ŭ Frunzienskim rajonie, kudy naviedalisia deputaty Minharsavieta.
Hałoŭny doktar dziciačaj infiekcyjnaj kliničnaj balnicy Maryna Sakałova raskazała: z kadrami nie ŭsio hładka. Daktaroŭ
— Spadziajemsia na padtrymku rajonnaj, haradskoj administracyi, a to chutka pracavać nie budzie kamu, — panarakała jana.
U paliklinikach rajona taksama «niedakamplekt». Pavodle infarmacyi «Minskaha kurjera», daktarami jany ŭkamplektavanyja prykładna na 75%, siarednim miedpiersanałam — na 70. Siaredniaja naličanaja zarpłata daktaroŭ u pieršym kvartale skłała 3,9 młn rubloŭ (pry kaeficyjencie sumiaščalnictva 1,3), miedpiersanału — 2,9 młn. «Tak… rublom kadry składana pryvabić. Zastajecca žyllom», — prychodzić da vysnovy hazieta.
Dniami Mikałaj Ładućka pastaviŭ pierad AAT «MAPID» zadaču terminova prystupić da ŭźviadzieńnia dvuch internataŭ dla daktaroŭ. Ich budaŭnictva płanujecca zaviaršyć da kanca 2012 hoda. Miescy tam u pieršuju čarhu atrymajuć miedrabotniki UAZ «Haradskaja stancyi chutkaj miedycynskaj dapamohi».
Ale situacyju ŭ cełym pa horadzie dva internaty naŭrad ci palepšać. Niekatoryja śpiecyjalisty ličać, što dziaržavie varta było b zakanadaŭča vyrašyć pytańnie z žyllom dla rabotnikaŭ miedycyny — davać ilhoty ci pryjarytetnaje prava na arendnaje žyllo.
Kamientary