Žurnalist Śviardłoŭ na Akreścina siadzić u adnoj kamiery z aktyvistam Vinahradavym
Ab hetym stała viadoma ad advakata, jakaja siońnia naviedała žurnalista Jeŭraradyjo.
Padčas sustrečy Pavieł taksama raskazaŭ pra abstaviny jaho zatrymańnia. Jany całkam supali z vynikami rasśledavańnia, praviedzienaha radyjo. Pavodle Śviardłova, ranicaj piatnicy 22 červienia da jaho la padjezdu padyšli mocnyja chłopcy, pradstavilisia milicyjantami i nie pakazvajučy paśviedčańniaŭ pasadzili ŭ mikraaŭtobus. Zatym advieźli ŭ RUUS Maskoŭskaha rajona, dzie aformili pratakoł zatrymańnia. Śviardłovu nie tłumačyli pryčyn cikavaści da jaho asoby.
Zaraz advakat Śviardłova rychtuje kasacyjnuju skarhu na prysud. Kali jana budzie zadavolenaja, to žurnalist vyjdzie na svabodu praz tydzień — 2 lipienia.
Nahadajem, što žurnalista abvinavacili ŭ brudnaj łajancy i prysudzili da 15 sutak aryštu. Jeŭraradyjo nie vyklučaje, što Śviardłova zatrymali, kab adpomścić za repartaž ź minskaha mietro, kali žurnalisty prajšlisia ŭ padziemcy ź vialikaj sumkaj i na ich nichto nie źviarnuŭ uvahi. U toj ža dzień, 22 červienia, la ofisa dziažuryŭ sini mikraaŭtobus, a supracoŭniki milicyi ŭ cyvilnym cikavilisia ŭ vachcioršy, ci jość u budynku karespandent Vital Ruhajn.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary