Журналіст Свярдлоў на Акрэсціна сядзіць у адной камеры з актывістам Вінаградавым
Аб гэтым стала вядома ад адваката, якая сёння наведала журналіста Еўрарадыё.
Падчас сустрэчы Павел таксама расказаў пра абставіны яго затрымання. Яны цалкам супалі з вынікамі расследавання, праведзенага радыё. Паводле Свярдлова, раніцай пятніцы 22 чэрвеня да яго ля пад’езду падышлі моцныя хлопцы, прадставіліся міліцыянтамі і не паказваючы пасведчанняў пасадзілі ў мікрааўтобус. Затым адвезлі ў РУУС Маскоўскага раёна, дзе аформілі пратакол затрымання. Свярдлову не тлумачылі прычын цікавасці да яго асобы.
Зараз адвакат Свярдлова рыхтуе касацыйную скаргу на прысуд. Калі яна будзе задаволеная, то журналіст выйдзе на свабоду праз тыдзень — 2 ліпеня.
Нагадаем, што журналіста абвінавацілі ў бруднай лаянцы і прысудзілі да 15 сутак арышту. Еўрарадыё не выключае, што Свярдлова затрымалі, каб адпомсціць за рэпартаж з мінскага метро, калі журналісты прайшліся ў падземцы з вялікай сумкай і на іх ніхто не звярнуў увагі. У той жа дзень, 22 чэрвеня, ля офіса дзяжурыў сіні мікрааўтобус, а супрацоўнікі міліцыі ў цывільным цікавіліся ў вахцёршы, ці ёсць у будынку карэспандэнт Віталь Ругайн.
-
Каля «Першага нацыянальнага гандлёвага дома» ў Мінску тэстуюць новыя святлафоры ФОТЫ
-
«Накіраваў аўтамабіль у бок паліцыянтаў». У польскай пракуратуры пракаментавалі справу са стральбой па беларусе ў Польшчы
-
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма9
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1919
Каментары