Žorstkaje zabojstva58-hadovaha žychara Hrodna ŭdałosia raskryć pa haračych śladach apieratyŭnikam kryminalnaha vyšuku Kastryčnickaha rajadździeła milicyi pry padtrymcy kaleh z UUS Hrodzienskaha abłvykankama. Złačynstva było ŭčyniena niekalki dzion tamu.
Jak paviedamili ŭ adździaleńni infarmacyi i hramadskich suviaziaŭ UUS, ślady kryvi ŭ piarednim pakoi praz pryadčynienyja dźviery vypadkova ŭbačyła susiedka zabitaha i tut ža vyklikała milicyju. Supracoŭniki orhanaŭ unutranych spraŭ znajšli trup haspadara doma ŭ skryncy pad leśvicaj, kudy jaho schavaŭ złačyniec, kab choć niejak zamieści ślady.
Pavodle słoŭ načalnika kryminalnaha vyšuku Kastryčnickaha RAUS Hrodna Viačasłava Dziemidoviča, atrymanyja šmatlikija cialesnyja paškodžańni padčas pahruzki ŭ skrynku da taho času nie mieli značeńnia — mužčyna byŭ miortvy. Da hetaha jaho dušyli šnuram dla bializny i niekalki razoŭ bili askołkam butelki pa roznych častkach cieła. Akramia taho, mužčynie była naniesiena sieryja ŭdaraŭ videlcam u kadyk, što nie pakinuła šansaŭ da ratavańnia.
Papiarednie ŭstanoŭlena, što mužčynu pazbaviŭ žyćcia raniej nie znajomy jamu małady čałaviek, jaki razam ź siabroŭkaj chacieŭ arandavać u jaho pakoj. I złačyniec, i achviara lubili śpirtnoje, z pryčyny čaho vyrašyli adznačyć ździełku. Mienavita ŭ momant śviatkavańnia i ŭźnikła svarka. U milicyi adznačajuć, što mahčymaj pryčynaj ahresii padazronaha źjaviłasia toje, što jon u minułym byŭ nieadnarazova sudzimy za kradziažy, rabavańnie i chulihanstva.
Svajo dačynieńnie da zabojstva zatrymany padazrony pakul admaŭlaje.
Sprava raspačata na padstavie č. 1 art. 139 Kryminalnaha kodeksa (zabojstva).
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3535
Kamientary