Pryciahnuć brytanski biźnies u Biełaruś akazałasia sapraŭdy ciažka —Pra heta BiełaPAN zajaviła pasoł Vialikabrytanii Rozmary Tomas u intervju z nahody zaviaršeńnia svaich paŭnamoctvaŭ u Biełarusi.«z-za taho, što sudovaja sistema nie vyklikaje davieru, iz-za isnahabiźnies-klimatu» .
Dypłamat vykazvaje sumnieńni nakont taho, što ŭ najbližejšaj budučyni možna budzie ŭbačyć vialiki prytok brytanskich inviestycyj u Biełaruś.
«Dla prychodu inviestaraŭ patrebna jurydyčnaja sistema, jakaja vyklikaje davier, i bolš spryjalnyja ŭmovy dla inviestycyj.Pakolki mahčymaści dla biźniesu ŭ Biełarusi znachodziacca nie na samym vysokim uzroŭni, brytanskija inviestary nie hatovy zhadzicca z tym ža ŭzroŭniem ryzyk, jak u inšych krainach, dzie ryzyki vysokija, ale hetkaja ž vysokaja i vyhada», — skazała Tomas.
Havoračy pra raźvićcio supracoŭnictva, pasoł nahadała ab pieramovach, jakija vialisia niekalki hadoŭ tamu nakont prodažy biełaruskaj harełki praz adnaho z samych bujnych dystrybutaraŭ Vialikabrytanii.
«Pieramovy išli dastatkova niakiepska, a zatym spynilisia. Takoje adbyvałasia i raniej, nie tolki z harełkaj, ale i ź inšymi praduktami — naprykład z kaśmietykaj.Ja nie ŭpeŭniena, u čym pryčyna, mahčyma, dyrektary biełaruskich pradpryjemstvaŭ (prynamsi niekalkich) bajacca rabić štości novaje. Mahčyma, jany bajacca prymać ryzykoŭnyja rašeńni. Ale dobra praličanyja ryzyki — heta asnova paśpiachovaha biźniesu. U hetym vypadku takoha nie adbyłosia, pryčym usialaki raz adstupaŭ biełaruski bok», — padkreśliła dypłamat.
Tomas raić biełaruskim uładam dakładna praličyć, jak pravilna vybudavać u krainie hety bałans ryzyk i mahčymaściaŭ, jaki ŭ pieršuju čarhu ŭličvajuć inviestary.
Kali b Biełaruś skarystała hetyja pieravahi, u tym liku naładziŭšy adnosiny z usimi svaimi susiedziami (chaču padkreślić: z usimi adnačasova), dumaju, biźnies by siudy aktyŭna prychodziŭ i raźvivaŭsia», — adznačyła Tomas.«Absalutna vidavočna, što ŭ Biełarusi vielizarny patencyjał, jak
z-za vysokaadukavanych rabotnikaŭ, tak iz-za hieahrafičnaha stanovišča.
Pavodle jaje słoŭ, brytanskich biźniesmienaŭ moža zacikavić supracoŭnictva ŭ chimičnaj, farmaceŭtyčnaj, drevaapracoŭčaj śfierach.
«Ale brytanski kaniok — heta pasłuhi pa padtrymcy biźniesu, što ŭklučaje ŭ siabie finansy i łahistyku, — padkreśliła Tomas. — Pavinna sfarmiravacca krytyčnaja masa kampanij tut, u Biełarusi, jakija buduć mieć patrebu ŭ našych pasłuhach. U nas vielmi dobra atrymlivajecca pryciahvać srodki, nieabchodnyja dla raźvićcia kampanij, heta naša śpiecyjalizacyja. Napeŭna, možna skazać, što takija pasłuhi ŭ Biełarusi pakul rana prapanoŭvać».
Dypłamat taksama adznačyła, što Mytny sajuz, jaki Biełaruś buduje razam z Kazachstanam i Rasijaj, «cikavy, ale pakul usio ž treba panazirać, u što jon vyljecca dla Biełarusi». «My viedajem, što ŭrad Biełarusi adznačaje jak pieravahi, tak i niedachopy hetaha sajuza. Mnie zdajecca, pakul biźniesmieny buduć pryhladacca da Mytnaha sajuza. Kali jon budzie funkcyjanavać paśpiachova, to hetaje ŭtvareńnie, viadoma, dadaść Biełarusi pryvabnaści», — skazała Tomas.
Ź inšaha boku, padkreśliła dypłamat, kali razmova pra Mytny sajuz zachodzić z brytanskimi biźniesmienami, jakija ŭžo pracujuć u Rasii, jany adkazvajuć, što dla raźvićcia biźniesu ŭ miežach MS nie abaviazkova pryjazdžać u Biełaruś, a možna pracavać z Rasii. «Jany ŭžo navučylisia pracavać u rasijskim
Rozmary Tomas ličyć, što Biełarusi daviadziecca pracavać bolš, čym Rasii, kab mieć realnyja pieravahi ŭ miežach Mytnaha sajuza. «Heta pavinna stać častkaj brenda Biełarusi, častkaj jaje rekłamnaj kampanii. I ja ŭpeŭniena, što heta moža być zroblena, ale naŭrad ci pryniasie chutkija vyniki. Ale heta, biezumoŭna, mahčyma — pry pravilnym płanavańni, pravilnym stratehičnym bačańni i kali hety płan budzie naležnym čynam realizavany», — adznačyła brytanski pasoł.
Taćciana Karaviankova, BiełaPAN.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie27
Kamientary