Прыцягнуць брытанскі бізнес у Беларусь аказалася сапраўды цяжка —Пра гэта БелаПАН заявіла пасол Вялікабрытаніі Розмары Томас у інтэрв’ю з нагоды завяршэння сваіх паўнамоцтваў у Беларусі.«з-за таго, што судовая сістэма не выклікае даверу, із-за існагабізнес-клімату» .
Дыпламат выказвае сумненні наконт таго, што ў найбліжэйшай будучыні можна будзе ўбачыць вялікі прыток брытанскіх інвестыцый у Беларусь.
«Для прыходу інвестараў патрэбна юрыдычная сістэма, якая выклікае давер, і больш спрыяльныя ўмовы для інвестыцый.Паколькі магчымасці для бізнесу ў Беларусі знаходзяцца не на самым высокім узроўні, брытанскія інвестары не гатовы згадзіцца з тым жа ўзроўнем рызык, як у іншых краінах, дзе рызыкі высокія, але гэткая ж высокая і выгада», — сказала Томас.
Гаворачы пра развіццё супрацоўніцтва, пасол нагадала аб перамовах, якія вяліся некалькі гадоў таму наконт продажы беларускай гарэлкі праз аднаго з самых буйных дыстрыбутараў Вялікабрытаніі.
«Перамовы ішлі дастаткова някепска, а затым спыніліся. Такое адбывалася і раней, не толькі з гарэлкай, але і з іншымі прадуктамі — напрыклад з касметыкай.Я не ўпэўнена, у чым прычына, магчыма, дырэктары беларускіх прадпрыемстваў (прынамсі некалькіх) баяцца рабіць штосьці новае. Магчыма, яны баяцца прымаць рызыкоўныя рашэнні. Але добра пралічаныя рызыкі — гэта аснова паспяховага бізнесу. У гэтым выпадку такога не адбылося, прычым усялякі раз адступаў беларускі бок», — падкрэсліла дыпламат.
Томас раіць беларускім уладам дакладна пралічыць, як правільна выбудаваць у краіне гэты баланс рызык і магчымасцяў, які ў першую чаргу ўлічваюць інвестары.
Калі б Беларусь скарыстала гэтыя перавагі, у тым ліку наладзіўшы адносіны з усімі сваімі суседзямі (хачу падкрэсліць: з усімі адначасова), думаю, бізнес бы сюды актыўна прыходзіў і развіваўся», — адзначыла Томас.«Абсалютна відавочна, што ў Беларусі велізарны патэнцыял, як
з-за высокаадукаваных работнікаў, так із-за геаграфічнага становішча.
Паводле яе слоў, брытанскіх бізнесменаў можа зацікавіць супрацоўніцтва ў хімічнай, фармацэўтычнай, дрэваапрацоўчай сферах.
«Але брытанскі канёк — гэта паслугі па падтрымцы бізнесу, што ўключае ў сябе фінансы і лагістыку, — падкрэсліла Томас. — Павінна сфарміравацца крытычная маса кампаній тут, у Беларусі, якія будуць мець патрэбу ў нашых паслугах. У нас вельмі добра атрымліваецца прыцягваць сродкі, неабходныя для развіцця кампаній, гэта наша спецыялізацыя. Напэўна, можна сказаць, што такія паслугі ў Беларусі пакуль рана прапаноўваць».
Дыпламат таксама адзначыла, што Мытны саюз, які Беларусь будуе разам з Казахстанам і Расіяй, «цікавы, але пакуль усё ж трэба паназіраць, у што ён выльецца для Беларусі». «Мы ведаем, што ўрад Беларусі адзначае як перавагі, так і недахопы гэтага саюза. Мне здаецца, пакуль бізнесмены будуць прыглядацца да Мытнага саюза. Калі ён будзе функцыянаваць паспяхова, то гэтае ўтварэнне, вядома, дадасць Беларусі прывабнасці», — сказала Томас.
З іншага боку, падкрэсліла дыпламат, калі размова пра Мытны саюз заходзіць з брытанскімі бізнесменамі, якія ўжо працуюць у Расіі, яны адказваюць, што для развіцця бізнесу ў межах МС не абавязкова прыязджаць у Беларусь, а можна працаваць з Расіі. «Яны ўжо навучыліся працаваць у расійскім
Розмары Томас лічыць, што Беларусі давядзецца працаваць больш, чым Расіі, каб мець рэальныя перавагі ў межах Мытнага саюза. «Гэта павінна стаць часткай брэнда Беларусі, часткай яе рэкламнай кампаніі. І я ўпэўнена, што гэта можа быць зроблена, але наўрад ці прынясе хуткія вынікі. Але гэта, безумоўна, магчыма — пры правільным планаванні, правільным стратэгічным бачанні і калі гэты план будзе належным чынам рэалізаваны», — адзначыла брытанскі пасол.
Таццяна Каравянкова, БелаПАН.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне13
Каментары