Rasiejskija pamiežniki ŭ čarhovy raz zajavili, što hruzinskija terarysty pranikajuć u Rasieju ź Biełarusi.
Rasiejskija pamiežniki bajacca praniknieńnia na terytoryju RF terarystaŭ praź Biełaruś. «Samaja vialikaja pahroza na rasiejska‑biełaruskaj miažy — heta niezakonnaja mihracyja i praniknieńnie asobaŭ, jakich my ŭvažajem za mierkavanych terarystaŭ» — zajaviŭ načalnik Pamiežnaj upravy FSB Rasiei pa Pskoŭskaj vobłaści pałkoŭnik Ivan Babrašoŭ, paviedamlaje Pskoŭskaje ahienctva infarmacyi.
Pavodle jahonych słovaŭ, hetkimi mohuć być hruziny, čačency j pradstaŭniki «inšych dziaržaŭ, jakija źviazanyja z terarystami».
Jon patłumačyŭ, što miž Biełaruśsiu j Hruzijaj isnuje biaźvizavy abmien. U Hruzii možna kupić bilet na samalot i prylacieć u Biełaruś, a adtul užo trapić u Rasieju. Biełaruskuju miažu pamiežniki achoŭvajuć tolki aperatyŭnym čynam — tam niama vajskovych naradaŭ. Narady tam vystaŭlajuć, tolki kali jość aperatyŭnaja infarmacyja pra pieramiaščeńnie kantrabandnaha hruzu ci praniknieńnia asobaŭ z terytoryi Hruzii.
Pavodle słovaŭ Babrašova, u 2006 hodzie pskoŭskija pamiežniki zatrymali 45 žycharoŭ Hruzii, jakija nielehalna sprabavali trapić u RF.
Sioleta ŭ studzieni dyrektar pamiežnaj słužby FSB RF Uładzimier Proničaŭ zajaviŭ, što biełaruska‑rasiejskaja miaža moža być vykarystanaja terarystami j niezakonnymi mihrantami z metaj praniknieńnia na terytoryju RF, nahadvaje Telehraf.
U svaju čarhu, staršynia dziaržaŭnaha kamitetu pamiežnych vojskaŭ Biełarusi Alaksandar Paŭłoŭski zajaviŭ, što ŭ Rasiei niama padstavaŭ vystaŭlać Biełarusi pretenzii pa pamiežnych pytańniach.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było9
Kamientary