Parłamiencki kamitet pa nacyjanalnaj biaśpiecy i abaronie Litvy 21–22 žniŭnia praviadzie pazačarhovaje pasiedžańnie.
Pra heta paviedamiŭ jaho staršynia Arvidas Anušaŭskas.
«Adkazy ź viedamstvaŭ pa pytańni palotu švedzkaha samalota ŭžo atrymanyja. Sustrakalisia i z kiraŭnikami adkaznych viedamstvaŭ, vyśvietlili pieršasnuju infarmacyju», — skazaŭ Anušaŭskas.
10 žniŭnia parlamentar Valancinas Mazuronis zapatrabavaŭ, kab Anušaŭskas jak maha chutčej sklikaŭ pasiedžańnie kamitetu, na jakim nieabchodna razhledzieć pytańnie parušeńnia litoŭska-biełaruskaj miažy, kali z samalota z švedzkimi pilotami, jak miarkujuć, skinuli na terytoryju Biełarusi bolš za 1000 plušavych mišak, paviedamlaje delfi.lt.
Biełaruskija aficyjnyja viedamstvy 8 žniŭnia paviedamili, što źviarnulisia da Litvy i Švecyi z prośbaj ab akazańni pravavoj dapamohi ŭ raśśledavańni mahčymaha parušeńnia miažy.
Ministar abarony Litvy Rasa Jukniavičenie 9 žniŭnia zajaviła, što Litva nia maje nijakaj infarmacyi pra incydent, źviazany z «plušavymi miškami» ŭ Biełarusi, a prośba Miensku pra akazańnie pravavoj dapamohi budzie razhladacca ŭ adpaviednaści ź dziejnymi zakonami.
Miž tym, namieśnik dyrektara Administracyi hramadzianskaj avijacyi Alvidas Šumskas skazaŭ BNS, što ŭ dačynieńni da švedzkich pilotaŭ chočuć raspačać administracyjnuju spravu.
Aficyjny Miensk spačatku kateharyčna abviarhaŭ infarmacyju pra palot švedzkaha lohkamatornaha samalota nad terytoryjaj Biełarusi. Adnak praz 3 tydni Alaksandar Łukašenka zvolniŭ kiraŭnika Dziaržaŭnaha pamiežnaha kamitetu i kamandujučaha vojskami VPS i SPA. Incydent pieraros u dyplamatyčny kanflikt pamiž Biełaruśsiu i Švecyjaj. MZS Biełarusi 8 žniŭnia zajaviŭ, što adklikaje svaich dyplamataŭ z Švecyi, a taksama zahadaŭ Stakholmu zakryć ambasadu Švecyi ŭ Biełarusi.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma10
Kamientary