Rasija aficyjna stała 156-m členam SHA

Rasija z 22 žniŭnia aficyjna stała 156-m členam Suśvietnaj handlovaj arhanizacyi. Praces ustupleńnia ŭ SHA raściahnuŭsia na 17 hadoŭ.

Pieramovy vialisia ŭ ramkach rabočaj hrupy, u jakuju ŭvachodzili pradstaŭniki krain, mieŭšych niavyrašanyja pytańni ŭ handli z RF. Samymi składanymi byli pierahavory z ZŠA, ES i Hruzijaj. Kančatkova pytańnie ab ustupleńni Rasii ŭ SHA było vyrašana na ministerskaj kanfierencyi SHA ŭ Ženievie 16 śniežnia 2011 hoda.

U Minekanamraźvićcia Rasii adznačajuć, što ŭstupleńnie krainy ŭ SHA — heta, pierš za ŭsio, stabilnaść umoŭ pracy na źniešnich rynkach, źnižeńnie barjeraŭ u handli, a taksama mahčymaść udziełu Rasii ŭ farmiravańni pravił mižnarodnaha ekanamičnaha supracoŭnictva. U toj ža čas adnymi z umoŭ dałučeńnia da SHA źjaŭlajucca źnižeńnie ŭvaznych mytnych pošlin i abmiežavańnie dziaržpadtrymki šerahu halin, što moža pryvieści da rostu kankurentazdolnaści zamiežnych tavaraŭ.

Pieršaje źnižeńnie pošlin adbudziecca adrazu paśla dałučeńnia Rasii da SHA, ale jano, u asnoŭnym, zakranie tavary, staŭki taryfu na jakija byli pavyšany ŭ 2007–2011 hady ŭ ramkach prymianieńnia antykryzisnych mier dla stvareńnia bolš kamfortnych umoŭ dla rasijskich vytvorcaŭ.

Istotna źniziacca staŭki pošlin na zamiežnyja lakarstvy z 15% da 6,5–5% na praciahu pierachodnaha pieryjadu i adnačasova apieradžalnymi tempami buduć źnižacca pošliny na miedycynskaje abstalavańnie i lekavyja substancyi (da 2–3%). Dla rynku chimičnaj pradukcyi ŭstupleńnie ŭ SHA ŭ pieravažnaj bolšaści vypadkaŭ nie budzie mieć značnych nastupstvaŭ. U cełym staŭka pošliny źnizicca z 10% da 6,5–5%. U tych ža vypadkach, kali źnižeńnie źjaŭlajecca bolš istotnym (kaśmietyčnyja srodki, myła i myjnyja srodki, linoleum, niekatoryja hatovyja vyraby z płastmas) — jano budzie adbyvacca na praciahu 5-6-hadovaha pierachodnaha pieryjadu.

Buduć prykmietna panižany abo admienieny staŭki pošlin na technałahičnaje, budaŭničaje, navukovaje i vymiaralnaje abstalavańnie. Na praciahu 3 hadoŭ buduć admienieny pošliny na kampjutary, srodki ich vytvorčaści i elemientnuju bazu. Pošliny na bytavuju elektratechniku i elektroniku źniziacca da ŭzroŭniu 7–9%.

Na novyja lehkavyja aŭtamabili adbudziecca źnižeńnie pošliny z 25% da 15% na praciahu 7 hadoŭ, pryčym źnižeńnie adbudziecca ŭ asnoŭnym na praciahu apošnich 3 hadoŭ. Pry hetym pošliny na staryja aŭtamabili (byłyja va ŭžyvańni ad 3 da 7 hadoŭ) zachavajucca na ŭzroŭni 20%.

Na hatovyja pradukty z ryby pošliny źniziacca niaznačna: z 15% da 12,5–12% za 1–3 hady, na rybnuju syravinu — ź ciapierašnich 10% da 6–8%, u asobnych vypadkach da 3–5%. Pošliny na małako, viarški suchija i zhuščanyja, masła źniziacca z25% da 20%. Rasija źnizić pošliny na niekatoryja karmy dla žyviołahadoŭli i svojskich žyvioł, nie vyroščvajemyja ŭ Rasii aharodninu, sadavinu i arechi. Palehčycca impart syraviny, jaki adsutničaje dla charčovaj pramysłovaści. Z momantu dałučeńnia da SHA Rasija pradoŭžyć prymianieńnie režymu taryfnaha kvatavańnia pry imparcie jałavičyny, śvininy i miasa ptuški.

Ustupajučy ŭ SHA, Rasija prymie na siabie abaviazacielstvy pa 116 siektarach pasłuh, adnak u pieravažnaj bolšaści vypadkaŭ abaviazacielstvy nie praduhledžvajuć jakich-niebudź źmianieńniaŭ u dziejučaj sistemie rehulavańnia. Asnoŭnym vyklučeńniem z hetaha praviła źjaŭlajecca siektar strachavańnia, u jakim ahulnaja kvota zamiežnaha ŭdziełu pavinna być pavyšana z 25% da 50%.

Abaviazacielstvy Rasii ŭ SHA ŭ častcy subsidziravańnia pramysłovaści źjaŭlajucca zvyčajnymi abaviazacielstvami luboj raźvitoj krainy-člena SHA. Adnak abaviazacielstvy pa padtrymcy sielskaj haspadarki adroźnivajucca ad standartnych abaviazacielstvaŭ, jakija prymalisia inšymi krainami. Dla Rasii dazvoleny ŭzrovień padtrymki budzie składać $9 młrd., što bolš čym u 2 razy pieravyšaje ŭzrovień, jaki byŭ by dazvoleny RF u adpaviednaści sa standartnymi praviłami.

U handli z ZŠA Rasija nie budzie prymianiać normy SHA pakul nie budzie admieniena papraŭka Džeksana-Venika, heta značyć amierykana-rasijski handal budzie rehulavacca dziejučym dvuchbakovym handlovym pahadnieńniem.

• 0
• 0
• 0
• 0
• 0
• 0
• 0
• 0