Vyzvalenyja srodki dazvolać padniać zarobki astatnim piedahoham.
U 2013 hodzie ŭ Biełarusi pačynajuć realizoŭvacca «pilotnyja» prajekty ŭ halinie systemy adukacyi.
Ministerstva finansaŭ planuje skaracić kolkaść nastaŭnikaŭ u ahulnaadukacyjnych škołach, kab vyzvalenyja biudžetnyja srodki nakiravać na apłatu inšych pedahohaŭ.U svaju čarhu, admysłoŭcy zajaŭlajuć pra niedachop nastaŭnickich kadraŭ.
Namieśnik ministra finansaŭ Maksim Jermałovič paviedamiŭ, što reforma raspačniecca ŭ 17 navučalnych ustanovach roznych rehijonaŭ krainy. Presavy sakratar Iryna Komar udakładniła nastupaje:
«Tak, jość pilotnyja prajekty, jakija pojduć u 2013 hodzie. Nia fakt, što jany pojduć pa ŭsioj krainie, bo ich pahladziać jašče prafesijanały, specyjalisty, nakolki heta budzie funkcyjanavać. Heta nia značyć, što ŭ 2013 hodzie adrazu ŭsich buduć skaračać. Ale kali heta ŭsio budzie dobra i ŭsim spadabajecca, to budziem dalej hladzieć».
Pavodle spadara Jermałoviča,
školnyja klasy nie zaŭsiody ŭkamplektavanyja dastatkovaj kolkaściu vučniaŭ, i, adpaviedna, jość zavyšanaja kolkaść nastaŭnikaŭ.A skaračeńnie nastaŭnickich kadraŭ dazvolić znajści dadatkovyja srodki dla padvyšeńnia apłaty inšych pedahohaŭ.
Adnak u škołach zusim nie zašmat nastaŭnikaŭ — ich vidavočna nie chapaje, kaža zavuč adnoj ź mienskich škoł:
«U nas i tak nastaŭnikaŭ zusim mała — u nas niama takich nastaŭnikaŭ, kab ich skaračać. U nas nie chapaje nastaŭnikaŭ. U nas dahetul niama nastaŭnika pracy.
Bijolah i hieohraf viadzie hetyja dva pradmiety, toje ž ź fizykaj i infarmatykaj. Nam chacia b nabrać, kab vakansij nie było, a nia toje što skaracić.Pačatkovaja škoła ŭ nas — 20 vučniaŭ u klasie, a siaredniaja — 22-24. Maładych specyjalistaŭ my zusim nie atrymlivajem: za apošnija piać hod — tolki pa anhielskaj movie. U nas niama maładych specyjalistaŭ. A ŭ hrupach padoŭžanaha dnia, kab nie pensijanery, — uvohule niama kamu pracavać. U nas niama maładych nastaŭnikaŭ. Vy ž viedajecie, u supracoŭnikaŭ adukacyi jakija zarobki.
Voś ja namieśnik dyrektara škoły, pierada mnoj lažyć moj raźlikovy list: 500 avansu i 3700 zarobak — heta ŭ zavuča. Nastaŭnik pačatkovaj škoły zarablaje nia bolš za try miljony. A starejšych klasaŭ — kala čatyroch».
Novyja plany ŭ halinie čarhovaha refarmavańnia škoły kamentuje pedahoh, pieršy namieśnik staršyni Tavarystva biełaruskaj movy Alena Anisim:
«Mnie spadabałasia vykazvańnie adnoj žančyny, jakaja jość pradstaŭnikom słynnaj nastaŭnickaj dynastyi. Jana kaža, što
ich pradzied, jaki paciarpieŭ u stalinskija časy, pakinuŭ takija słovy: „Treba navučyć dziaciej być ščaślivymi“.Kali hetyja słovy buduć asnoŭnymi ŭ systemie dziejnaści ŭsich ustanoŭ adukacyi i nastaŭnikaŭ, to tady mnohija prablemy, u tym liku i finansavyja, buduć vyrašacca inačaj. Kali ž pytańni hrašovyja buduć na pieršym miescy, a ščaście dziaciej i nastaŭnikaŭ na apošnim, to nijakija prablemy vyrašacca nia buduć. Bo jany nia buduć na karyść ni dziaciej, ni nastaŭnikaŭ».
Jak paviedamiŭ namieśnik ministra finansaŭ Maksim Jermałovič,
pilotny prajekt dazvolić paźniej raspaŭsiudzić hetuju praktyku na ŭsiu systemu adukacyi.
-
U Homieli za palityku asudzili 25‑hadovaha ŭkrainca, jaki mieŭ nieaściarožnaść pierajechać u Mazyr
-
Łukašenka nazvaŭ niedalnabačnym rašeńnie kiraŭnictva Małdovy vyjści z SND
-
Byłoha biełaruskaha palitviaźnia sudziać u Litvie za padrychtoŭku da zabojstva rasijskaha apazicyjaniera. Pahražaje až da pažyćciovaha
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstva rasijskaha apazicyjaniera. Pahražaje až da pažyćciovaha1
Kamientary