Abodva kandydaty volna chadzili pa scenie i pierabivali adzin adnaho: Abama — Romni — 1:1

Va univiersitecie Chofstra ŭ štacie Ńju-Jork zaviaršyŭsia druhi raŭnd pieradvybarčych teledebataŭ kandydataŭ u prezidenty ZŠA Baraka Abamy i Mita Romni.

Dziejučy prezident ZŠA i kandydat na pasadu kiraŭnika dziaržavy ad Respublikanskaj partyi ź pieršych chvilin teledebataŭ ŭstupili ŭ pałkuju palemiku.

Prezident Abama, jaki, jak miarkujuć analityki, prajhraŭ pieršy raŭnd teledebataŭ,

pierajšoŭ u ataku suprać svajho apanienta pa takich pytańniach jak padatkaabkładańnie, stan ekanomiki i źniešniaja palityka ZŠA.

Sa svajho boku Mit Romni vinavaciŭ prezidenta ŭ tym, što toj nie vykanaŭ ceły šerah svaich abiacańniaŭ.

Abodva kandydaty volna chadzili pa scenie i časta pierabivali adzin adnaho.

Teledebaty doŭžylisia paŭtary hadziny. Na ich staršynstvavała hałoŭny palityčny karespandent CNN Kandzi Kroŭli.

Jana niekalki razoŭ praviarała fakty, zhadvanyja kandydatami, i časam pierabivała ich abodvuch.

Barak Abama vyhladaŭ značna bolš upeŭniena, čym u pieršym raŭndzie teledebataŭ, adnak Mit Romni nie zdavaŭ svaich pazicyj.

U samym pačatku debataŭ prezident Abama nahadaŭ, što mienavita jaho administracyja pradstaviła finansavuju dapamohu aŭtamabilnaj pramysłovaści i tym samym vyratavała jaje ad bankructva.

Abama dadaŭ, što ŭ toj ža samy čas Mit Romni kazaŭ «chaj Detrojt zbankrutuje». Romni heta admaŭlaŭ i zajaviŭ, što jaho płan adnaŭleńnia ekanomiki stvoryć 12 młn pracoŭnych miescaŭ.

Kandydaty ŭ prezidenty taksama spračalisia ab enierhietyčnaj palitycy. Romni adznačyŭ, što cana na bienzin praktyčna padvoiłasia za čatyry hady znachodžańnia Baraka Abamy ŭ Biełym Domie.

Barak Abama zajaviŭ, što ceny na bienzin byli hetak nizkimi ŭ 2009 hodzie, bo ekanomika krainy znachodziłasia na miažy kałapsu, i dadaŭ, što Mitu Romni atrymajecca panizić ceny na haručaje, tak jak jaho ekanamičnaja palityka naniasie surjozny ŭdar ekanomicy ZŠA.

Padčas debataŭ abodva kandydaty niekalki razoŭ źviartalisia niepasredna da pradstaŭnikoŭ siaredniaha kłasa.

Barak Abama nahadaŭ, što za apošnija čatyry hady jon niekalki razoŭ panižaŭ padatki dla siaredniaha kłasa i drobnaha biznesu, ale dadaŭ, što kali Amieryka i na samaj spravie choča skaracić biudžetny deficyt, to bahatyja amierykancy pavinny płacić bolš padatkaŭ.

Pavodle jaho słoŭ «hubiernatar Romni i jaho sajuźniki ŭ kanhresie ŭziali ŭ zakładniki 98% nasielnictva, tak jak jany chočuć panizić padatki dla 2%».

Sa svajho boku Mit Romni admaŭlaŭ, što źbirajecca panizić padatki dla samych bahatych amierykancaŭ, i zajaviŭ, što padatki dla najbolš bahatych (kala 5% nasielnictva) buduć pa-raniejšamu na ŭzroŭni 60% ad ich dachodaŭ.

Dasiahnieńni i abiacańni

U adkaz na pytańnie z zały, prezident Abama pryvioŭ ceły śpis svaich dasiahnieńniaŭ za čatyry hady, zajaviŭšy, što jon paniziŭ padatki dla siaredniaha kłasa, zaviaršyŭ vajnu ŭ Iraku, padarvaŭ kiraŭnictva «Al-Kaidy», zabiŭ Asamu bin Ładena, vyratavaŭ aŭtamabilnuju pramysłovaść krainy i pravioŭ reformu sistemy achovy zdaroŭja.

U adkaz Mit Romni pryvioŭ śpis abiacańniaŭ, jakija Barak Abama nie strymaŭ.

Pavodle jaho słoŭ, prezident abiacaŭ skaracić uzrovień biespracoŭja da 5,4%, pravieści reformu imihracyjnaha zakanadaŭstva i ŭdvaja skaracić biudžetny deficyt, i ničoha pa ŭsich hetych punktach nie damohsia.

Pavodle apytańnia, praviedzienaha CNN siarod vybarščykaŭ, jakija słuchali debaty, 46% ličać, što ŭ druhim raŭndzie pieramoh Barak Abama, i tolki 39% addajuć pieravahu Mit Romni.

Treci i zaklučny tur teledebataŭ adbudziecca 22 kastryčnika ŭ horadzie Baki-Raton ŭ Fłarydzie.

• 0
• 0
• 0
• 0
• 0
• 0
• 0
• 0