Rasiejskim vytvorcam ciažka kankuravać ź biełaruskimi.
Biełaruski zavod «Babrujskahramaš» planuje ŭ 2007 hodzie stvaryć u Krasnadarskim krai pradpryjemstva pa zborcy sielhastechniki dla žyviołahadoŭčych haspadarak, paviedamlaje rasiejskaje vydańnie «Kommiersant'». Pryčyna — rasiejskim vytvorcam ciažka kankuravać z subsydyjavanymi dziaržavaj biełaruskimi kankurentami
«Babrujskahramaš» maje ŭ Rasiei niekalki zboračnych centraŭ, jakija ŭ minułym hodzie vypuścili kala 200 adzinak techniki. Pa słovach namieśnika načalnika adździełu źniešnich suviaziaŭ «Babrujskahramašu» Vasila Caryka, sioleta da kanca hodu ŭ Krasnadarskim krai budzie ŭtvoranaje sumiesnaje pradpryjemstva z kubanskaj dylerskaj kampanijaj «Siedinsnab». SP budzie zajmacca zborkaj kasiłak, paŭpryčepaŭ, pres-padborščykaŭ. Pa pieršym časie planujuć źbirać 50 adzinak techniki. Varta adznačyć, što 70% kamplektujučych dla babrujskaha zavodu vyrablajeca ŭ Rasiei, tamu stvareńnie zboračnaha cechu na Kubani dazvolić skaracić transpartnyja vydatki i sabiekošt pradukcyi bolš čym na 10%. U cełym babrujskaje pradpryjemstva planuje ŭ hetym hodzie pavialičyć vytvorčaść svajoj pradukcyi ŭ Rasiei ŭ 1,5 raza.
Rasiejskija eksperty adznačajuć vialiki popyt na biełaruskuju techniku. Pry hetym jany źviartajuć uvahu na prablemy ajčynnych vytvorcaŭ, jakim ciažka kankuravać z subsydyjavanymi dziaržavaj biełaruskimi kankurentami. Da ŭsiaho biełaruskaja sielhastechnika, što zavozicca ŭ RF, nie abkładajecca mytami.
Siamion Piečanko, pavodle «Kommiersant'»
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary