Расейскім вытворцам цяжка канкураваць зь беларускімі.
Беларускі завод «Бабруйскаграмаш» плянуе ў 2007 годзе стварыць у Краснадарскім краі прадпрыемства па зборцы сельгастэхнікі для жывёлагадоўчых гаспадарак, паведамляе расейскае выданьне «КоммерсантЪ». Прычына — расейскім вытворцам цяжка канкураваць з субсыдыяванымі дзяржавай беларускімі канкурэнтамі
«Бабруйскаграмаш» мае ў Расеі некалькі зборачных цэнтраў, якія ў мінулым годзе выпусьцілі каля 200 адзінак тэхнікі. Па словах намесьніка начальніка аддзелу зьнешніх сувязяў «Бабруйскаграмашу» Васіля Царыка, сёлета да канца году ў Краснадарскім краі будзе ўтворанае сумеснае прадпрыемства з кубанскай дылерскай кампаніяй «Сединснаб». СП будзе займацца зборкай касілак, паўпрычэпаў, прэс-падборшчыкаў. Па першым часе плянуюць зьбіраць 50 адзінак тэхнікі. Варта адзначыць, што 70% камплектуючых для бабруйскага заводу вырабляеца ў Расеі, таму стварэньне зборачнага цэху на Кубані дазволіць скараціць транспартныя выдаткі і сабекошт прадукцыі больш чым на 10%. У цэлым бабруйскае прадпрыемства плянуе ў гэтым годзе павялічыць вытворчасьць сваёй прадукцыі ў Расеі ў 1,5 раза.
Расейскія экспэрты адзначаюць вялікі попыт на беларускую тэхніку. Пры гэтым яны зьвяртаюць увагу на праблемы айчынных вытворцаў, якім цяжка канкураваць з субсыдыяванымі дзяржавай беларускімі канкурэнтамі. Да ўсяго беларуская сельгастэхніка, што завозіцца ў РФ, не абкладаецца мытамі.
Сямён Печанко, паводле «КоммерсантЪ»
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары