«Superlato» z hitaraj
Saładucha padaje siabie takim čynam, što abyvatalu ciažka nie skarycca, jak i ŭ vypadku z ahresiŭnaj reklamaj «Superlato».
Šosty dysk śpievaka, prymierkavany da dvaccacihodździa jahonaj karjery.
Źbiadniełyja na ŭjaŭny «farmat» ajčynnyja «efemki» ŭžo razabrali na ratacyi ŭsie 16 trekaŭ albomu.
Pieśni dla Saładuchi pišuć samyja topavyja biełaruskija paety‑piesieńniki dy kampazytary: Maks Alejnikaŭ, Aleh Jalisiejenkaŭ dy były hitaryst «Novaha nieba» Lavon Šyryn. Apošni jašče i pradmovu da dysku napisaŭ, u jakoj raić uvažliva prysłuchacca da «tonkich strunaŭ čałaviečych emocyjaŭ».
Sakret doŭhažycharstva i adnosnaha pośpiechu Saładuchi na biełaruskaj pop‑scenie — davoli prosty. Tut nie viadziecca pra talent, bo vykanaŭca biare inšym — nachabnaj charyzmaj. Jon padaje siabie takim čynam, što abyvatalu ciažka nie skarycca, jak i ŭ vypadku z ahresiŭnaj reklamaj «Superlato». Vykanaŭca śpiavaje banalnyja teksty, ale robić heta bieskampramisna i ŭpeŭniena.
Tamu, kaho začapiŭ jahony rafinavany patasny hołas, — nie ŭratavacca bolej ad praniźlivych vačej artysta. Chto adčuŭ u hetych časam niabłaha aranžyravanych pieśniach falš i žadańnie piejuna adno tolki być navidavoku — adnaznačna budzie zatykać vušy i zapluščvać vočy pry adnoj tolki zhadcy pra jaho.
Siarod absalutna novych piesień, zatočanych pad uzornuju rasiejskuju papsu, jość i znakamitaja «Čužaja miłaja» ŭ novaj aranžyroŭcy, jakaja koliś uviała Saładuchu ŭ šerah samych bliskučych pop‑zorak. Z tych časoŭ u jahonym repertuary tak i nie źjaviłasia takoha jaskravaha hita. «My vierniomsia, obiazatielno vierniemsia», — piaje vykanaŭca ŭ apošniaj pieśni. I padajecca, što supakojvaje hetymi słovami jon najpierš samoha siabie... Dla tych, chto choča pačuvacca maładym, nie prykładajučy da hetaha anijakich vysiłkaŭ.
-
U Vilni zaviaršajecca restaŭracyja Vostraj bramy. Znakamitaja «Pahonia» na fasadzie kardynalna źmianiła koler
-
Vyjšaŭ pierakład ramana Remarka «U nieba niama ŭlubioncaŭ»
-
Doŭhačakanaje adnaŭleńnie siadziby paplečnika Kaściuški ŭ Vidzach-Łaŭčynskich abiarnułasia zamienaj draŭlanych ścien na kieramzitabieton
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2828
Kamientary