Načalnik Smalavickaha ABEZ i jaho padnačaleny padazrajucca ŭ karupcyi
Śledčy kamitet Biełarusi raspačaŭ kryminalnuju spravu ŭ dačynieńni da načalnika ABEZ Smalavickaha RAUS i staršaha opierupaŭnavažanaha hetaha ž adździeła.
Kryminalnaja sprava raspačataja pa materyjałach Hałoŭnaha ŭpraŭleńnia ŭłasnaj biaśpieki (HUUB) MUS, zhodna ź jakim načalnik ABEZ major milicyi P. i jaho padnačaleny kapitan S. sfalsifikavali materyjały pravierki pa fakcie vyvazu łomu kalarovych mietałaŭ.
Pavodle źviestak HUUB MUS, padazravanyja ŭ traŭni 2012 pravodzili raźbiralnictva pa fakcie zatrymańnia mikraaŭtobusa «Folksvahien», jaki pieravoziŭ 2 tony kalarovych mietałaŭ biez supravadžalnych dakumientaŭ.Zamiest taho, kab pravieści raźbiralnictva abjektyŭna i spraviadliva, major i kapitan naŭmysna, nasupierak intaresam słužby, z vykarystańniem svaich słužbovych paŭnamoctvaŭ i z karyślivaha intaresu, dali mahčymaść uładalnikam paźbiehnuć adkaznaści. Zroblena heta było prostym, ale efiektyŭnym sposabam: u pratakole zamianili dadzienyja čałavieka, jaki ździejśniŭ pravaparušeńnie, a ŭ jakaści hruzu pakazali łom čornaha mietału, a nie kalarovaha. Akramia taho, padazravanyja istotna pamienšyli i vahu niezakonnaha hruzu - z 2 ton da 388 kiłahramaŭ.
Usie hetyja dziejańni zmaharoŭ z ekanamičnaj złačynnaściu paciahnuli nie pryciahnieńnie ŭładalnika hruzu da adkaznaści za ździejśnienaje pravaparušeńnie, a pryčynieńnie istotnaj škody dziaržaŭnym i hramadskim intaresam.
A voś śledčamu kamitetu materyjały HUUB MUS dali nahodu kvalifikavać dziejańni słužbovych asob ABEZ Smalavickaha RAUS pa č.2 art.424 (złoŭžyvańnie ŭładaj abo słužbovymi paŭnamoctvami) Kryminalnaha kodeksa Biełarusi.
Viadziecca rasśledavańnie.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary