Начальнік Смалявіцкага АБЭЗ і яго падначалены падазраюцца ў карупцыі
Следчы камітэт Беларусі распачаў крымінальную справу ў дачыненні да начальніка АБЭЗ Смалявіцкага РАУС і старшага оперупаўнаважанага гэтага ж аддзела.
Крымінальная справа распачатая па матэрыялах Галоўнага ўпраўлення ўласнай бяспекі (ГУУБ) МУС, згодна з якім начальнік АБЭЗ маёр міліцыі П. і яго падначалены капітан С. сфальсіфікавалі матэрыялы праверкі па факце вывазу лому каляровых металаў.
Паводле звестак ГУУБ МУС, падазраваныя ў траўні 2012 праводзілі разбіральніцтва па факце затрымання мікрааўтобуса «Фольксваген», які перавозіў 2 тоны каляровых металаў без суправаджальных дакументаў.Замест таго, каб правесці разбіральніцтва аб'ектыўна і справядліва, маёр і капітан наўмысна, насуперак інтарэсам службы, з выкарыстаннем сваіх службовых паўнамоцтваў і з карыслівага інтарэсу, далі магчымасць уладальнікам пазбегнуць адказнасці. Зроблена гэта было простым, але эфектыўным спосабам: у пратаколе замянілі дадзеныя чалавека, які здзейсніў правапарушэнне, а ў якасці грузу паказалі лом чорнага металу, а не каляровага. Акрамя таго, падазраваныя істотна паменшылі і вагу незаконнага грузу - з 2 тон да 388 кілаграмаў.
Усе гэтыя дзеянні змагароў з эканамічнай злачыннасцю пацягнулі не прыцягненне ўладальніка грузу да адказнасці за здзейсненае правапарушэнне, а прычыненне істотнай шкоды дзяржаўным і грамадскім інтарэсам.
А вось следчаму камітэту матэрыялы ГУУБ МУС далі нагоду кваліфікаваць дзеянні службовых асоб АБЭЗ Смалявіцкага РАУС па ч.2 арт.424 (злоўжыванне ўладай або службовымі паўнамоцтвамі) Крымінальнага кодэкса Беларусі.
Вядзецца расследаванне.
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары