11 listapada ŭ kłubie «Pe:Public» projdzie fest, pryśviečany 50-hodździu Viktara Coja.
«Ŭ nieskładovaje» vykanaje čatyry pieśni, dźvie ź jakich — dobra viadomyja pracy Viktara Coja. Admysłova dla kancerta byŭ zrobleny mastacki pierakład tvoraŭ na biełaruskuju movu. Mierkavańni vakoł tvoraŭ padzialilisia navat u składzie vykanaŭcaŭ: niekatoryja ličać, što heta hłupstva, niekatoryja — što heta vielmi cikava. U lubym vypadku, u hetym jość pravakacyja, a jak viadoma, šou-biznes — pierš za ŭsio šoŭ i ździŭleńnie.«Ja vučyŭsia hrać na hitary pa pieśniach Coja, — kaža Raman Arłoŭ. Nie treba rabić vyhlad i prykidvacca, što Coj nie mieŭ upłyvu na muzyku i palityku na terrytoryi sučasnaj Biełarusi. Hod nazad ja pierakłaŭ pieršuju pieśniu Coja, heta pieśnia „Muraviejnik“. I tamu, kali patelefanavaŭ arhanizatar Vital Supranovič i prapanavaŭ paŭdzielničać u mierapryjemstvie, mienavita pry ŭmovie pierakładu pieśni Viktara Coja na biełaruskuju movu, to ja adrazu pahadziŭsia. Ja ŭvohule liču, što heta budzie dobry prajekt dla biełaruskaj idei ŭ cełym. Da taho ž padobny ekśpiryjens budzie skarystany i na kancercie „Ŭ nieskładovaha“ ŭ Maskvie».
Padrabiaźniej pra kancert TUT.
Kamientary