Jarasłaŭ Hryščenia zastajecca na svabodzie.
Stała viadoma, što jašče napiaredadni «Čarnobylskaha šlachu» 24 krasavika baranavickaja milicyja prypyniła kryminalnuju spravu suprać miascovaha moładzievaha aktyvista Jarasłava Hryščeni. Jon byŭ šostym padazravanym u spravie «Maładoha frontu». Sprava ŭ dačynieńni da Hryščeni prypyniena praź niedachop dokazaŭ.
Ale ŭ sieradu, 2 traŭnia, chłopca vyklikali na dopyt u baranavickuju milicyju. Ich cikaviła, ci prymaŭ Jarasłaŭ udzieł u «Čarnobylskim šlachu», ci nia jon spaliŭ na akcyi dziaržaŭny ściah, a taksama, dzie jon načavaŭ u Miensku. Chłopca pratrymali ŭ pastarunku čatyry hadziny, paśla čaho adpuścili.
Nahadajem, što ciapier pa spravie «Maładoha frontu» iduć piaciora čałaviek: Źmicier Chviedaruk, Alaksiej Janušeŭski, Barys Harecki, Nasta Pałažanka i Aleh Korban. Siońnia Źmitra Chviedaruka vyklikajuć u Saviecki RUUS Miensku. Milicyjantaŭ cikavić jahony ŭdzieł u «Čarnobylskim šlachu», abiacajuć pakazać niejkija videamateryjały. Sam Chviedaruk nie vyklučaje, što heta moža skončycca sutkami. Učora ž Źmitra vyklikali na dopyt u KDB, dzie cikavilisia dziejnaściu salihorskich, žodzinskich, niaśviskich «maładafrontaŭcaŭ».
8 traŭnia stanie viadoma, kali pačniecca sud nad siabram niezarehistravanaha «Maładoha frontu».
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary