Ministry justycyi i ŭnutranych spravaŭ dziaržavaŭ‑členaŭ EZ pryniali rašeńnie pra stvareńnie specyjalnaj infarmacyjna‑papieradžalnaj sietki dla palapšeńnia kaardynacyi baraćby z teraryzmam na terytoryi EZ.
Pa słovach Volfhanha Šojble, ministra ŭnutranych spravaŭ Niamieččyny (dziaržavy‑staršyni EZ), papieradžalnaja sietka «daje mahčymaść adpaviednym orhanam dziaržavaŭ‑členaŭ EZ aperatyŭna abmieńvacca infarmacyjaj pra hramadzianaŭ trecich krainaŭ, ekstradyravanych z terytoryi toj ci inšaj krainy EZ».
«Heta asabliva važna ŭ vypadkach, kali dziaržava EZ ekstradyruje padazronaha, adnak nia moža adrazu ž viarnuć jaho ŭ krainu pachodžańnia — naprykład, z‑za praciahłaści sudovych praceduraŭ», — adznačyŭ ministar.
Systema abmienu dadzienymi, uzhodnienaja na pasiedžańni Rady EZ, «daje harantyju taho, što kožnaja dziaržava EZ, atrymaŭšy padobnuju infarmacyju, zmoža na rańniaj stadyi pryniać ŭłasnyja mery biaśpieki», adznačyŭ Šojble.
Na dumku ŭradu Niamieččyny, novaja sietka jość važnym krokam da «ŭzmacnieńnia eŭrapiejskaha supracoŭnictva ŭ baraćbie ź mižnarodnym teraryzmam».
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary