Міністры юстыцыі і ўнутраных справаў дзяржаваў‑членаў ЭЗ прынялі рашэньне пра стварэньне спэцыяльнай інфармацыйна‑папераджальнай сеткі для паляпшэньня каардынацыі барацьбы з тэрарызмам на тэрыторыі ЭЗ.
Па словах Вольфганга Шойбле, міністра ўнутраных справаў Нямеччыны (дзяржавы‑старшыні ЭЗ), папераджальная сетка «дае магчымасьць адпаведным органам дзяржаваў‑членаў ЭЗ апэратыўна абменьвацца інфармацыяй пра грамадзянаў трэціх краінаў, экстрадыраваных з тэрыторыі той ці іншай краіны ЭЗ».
«Гэта асабліва важна ў выпадках, калі дзяржава ЭЗ экстрадыруе падазронага, аднак ня можа адразу ж вярнуць яго ў краіну паходжаньня — напрыклад, з‑за працягласьці судовых працэдураў», — адзначыў міністар.
Сыстэма абмену дадзенымі, узгодненая на паседжаньні Рады ЭЗ, «дае гарантыю таго, што кожная дзяржава ЭЗ, атрымаўшы падобную інфармацыю, зможа на раньняй стадыі прыняць ўласныя мэры бясьпекі», адзначыў Шойбле.
На думку ўраду Нямеччыны, новая сетка ёсьць важным крокам да «ўзмацненьня эўрапейскага супрацоўніцтва ў барацьбе зь міжнародным тэрарызмам».
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка5
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары